బాక్సాఫీస్ వద్ద 'సంక్రాంతికి వస్తున్నాం' జోరు - వెంకీ మామ కెరీర్​లో ఇదే తొలిసారి!

భారీ కలెక్షన్లతో దూసుకెళ్తున్న 'సంక్రాంతికి వస్తున్నాం' - వెంకటేశ్​ కెరీర్​లో తొలిసారి రూ.100కోట్ల షేర్ వసూల్

Sankrantiki Vastunnam : విక్టరీ వెంకటేశ్ 'సంక్రాంతికి వస్తున్నాం'తో థియేటర్లలో సందడి చేస్తున్నారు. సంక్రాంతి కానుకగా జనవరి 14న రిలీజైన ఈ సినిమా భారీ విజయం దక్కించుకుంది. ఈ క్రమంలోనే బాక్సాఫీస్ వద్ద కాసుల వర్షం కురిపిస్తోంది. ఇప్పటికే ప్రపంచవ్యాప్తంగా ఈ సినిమా రూ.200 కోట్ల గ్రాస్​ వసూళ్లు అందుకున్నట్లు సినీ వర్గాల టాక్.

హిట్ టాక్ అందుకున్న సంక్రాంతికి వస్తున్నాం మూవీ 6 రోజుల్లోనే రూ.100 కోట్ల షేర్ సాధించింది. అయితే ఇప్పటివరకు వెంకీ కెరీర్​లో రూ.100కోట్లు షేర్ సాధించిన తొలి సినిమా ఇదే కావడం విశేషం. అలాగే సినిమా విడుదలై ఆరు రోజులైనా కలెక్షన్ల జోరు మాత్రం తగ్గట్లేదు. 'సంక్రాంతికి వస్తున్నాం సినిమా కేవలం 6 రోజుల్లోనే రూ.100 కోట్లకు పైగా షేర్ సాధించింది. ఆల్ టైమ్ హిట్ గా నిలిచింది' అని చిత్ర నిర్మాణ సంస్థ శ్రీ వెంకటేశ్వర క్రియేషన్స్ పోస్టర్ రిలీజ్ చేసింది.

#SankranthikiVasthunam is redefining MASS with it’s CLASS FAMILY ENTERTAINMENT🔥🔥🔥#BlockbusterSankranthikiVasthunam joins the elite 100Crore+ share club in just 6 days 💥💥💥

ALL TIME HIGHEST FOR VICTORY @Venkymama ❤️‍🔥

ALL TIME #2 HIGHEST FOR Hit Machine @AnilRavipudi ❤️‍🔥… pic.twitter.com/zjjrKwNoJk

— Sri Venkateswara Creations (@SVC_official) January 20, 2025

ఆరో రోజూ తగ్గని కలెక్షన్లు
సినిమా విడుదలైన ఆరో రోజు కూడా సంక్రాంతికి వస్తున్నాం సినిమాకి ప్రేక్షకులు బ్రహ్మరథం పడుతున్నారు. ఈ క్రమంలో ఆరో రోజు నైజాం, ఆంధ్రా, సీడెడ్​లో ఈ మూవీ రూ.22.56 కోట్ల వసూళ్లు సాధించింది. ఒక్క నైజాం ప్రాంతంలోనే రూ.4.21కోట్ల రికార్డు కలెక్షన్లు వసూల్ చేసింది.

ఓవర్సీలోనూ వెంకీ జోరు
అలాగే ఓవర్సీస్​లోనూ వెంకటేశ్ హవా నడుస్తోంది. తాజాగా ఈ సినిమా 2 మిలియన్ డాలర్ల క్లబ్ లో చేరింది. వెంకటేశ్ కెరీర్​లో ఈ మైలురాయి అందుకోవడం ఇదే తొలిసారి. ఈ మేరకు హీరో వెంకీ ఓవర్సీస్ ఆడియెన్స్​కు ధన్యవాదాలు తెలియజేశారు. అందుకు సంబంధించిన వీడియోను మేకర్స్ సోషల్ మీడియాలో పోస్ట్ చేశారు.

కాగా, కంప్లీట్ ఫ్యామిలీ ఎంటర్టైనర్​గా ప్రేక్షకుల ముందుకొచ్చిన సినిమా సంక్రాంతికి వస్తున్నాం. ఈ సినిమాలో మీనాక్షి చౌదరి, ఐశ్వర్యా రాజేశ్ హీరోయిన్లుగా నటించారు. సీనియర్ నటుడు నరేశ్, వీటీ గణేశ్, సాయి కుమార్, మురళీ, పృథ్వీరాజ్ తదితరులు కీలక పాత్రలు మెరిశారు. భీమ్స్ సిసిరొలియో చక్కటి సంగీతం అందించగా, శ్రీ వేంకటేశ్వర బ్యానర్ పై దిల్ రాజు ఈ చిత్రాన్ని రూపొందించారు.