Jr NTR Dinner Date :మ్యాన్ ఆఫ్ మాసెస్ జూనియర్ ఎన్టీఆర్ తన బాలీవుడ్ డెబ్యూ మూవీ వార్ షూటింగ్లో బిజీగా ఉన్నారు. ఓ వైపు దేవర సెట్స్లో సందడి చేస్తూనే మరోవైపు హృతిక్తో వార్ చిత్రీకరణలో బిజీగా ఉన్నారు. అయితే తాజాగా ఎన్టీఆర్ తన సతీమణితో కలిసి డిన్నర్ డేట్కు వెళ్లారు. ముంబయిలోని ఓ రెస్టారెంట్కు వెళ్తున్న సమయంలో కెమెరాకు చిక్కారు.
అయితే వారితో పాటు బీటౌన్ కపుల్ ఆలియా భట్ రణ్బీర్ కపూర్ కూడా అక్కడికి వచ్చారు. దీంతో ఆ ప్రాంతమంతా సందడి సందడిగా మారింది. ఈ క్యూట్ కపుల్స్ను చూసేందుకు ఫ్యాన్స్ గుమిగూడారు. ఇక ఈ డిన్నర్ డేట్కు 'వార్ 2' నటుడు హృతిక్ రోషన్, ఆయన గర్ల్ఫ్రెండ్ సబా ఆజాద్ కూడా వచ్చారు. ఇక ఫిల్మ్ మేకర్ కరణ్ జోహార్ కూడా ఈ పార్టీలో సందడి చేశారు. ప్రస్తుతం దీనికి సంబంధించిన, ఫోటోలు, వీడియోలు నెట్టింట ట్రెండ్ అవుతోంది.
ఇక 'వార్ 2' సినిమా కోసం తారక్ మొత్తం 60 రోజుల కాల్ షీట్స్ కేటాయించిన‌ట్లు సమాచారం. ఇక ఈ సినిమాను వార్ 1ను మించిపోయేలా సూపర్ యాక్షన్ సీక్వెన్స్‌లు ఉంటాయని టాక్.
2025 ఆగష్టు 14న ఈ సినిమాను రిలీజ్ చేయాలని ప్లాన్ చేస్తున్నారు. ఎన్టీఆర్ ఇదే తొలి బాలీవుడ్ ప్రాజెక్ట్. ఈ చిత్రంలో సీక్రెట్ ఏజెంట్‌గా ఎన్టీఆర్ యాక్ట్ చేస్తున్నారు. అయితే తన లుక్‌ను సీక్రెట్‌గా ఉంచేందుకు ఎన్టీఆర్ తెగ కష్టపడుతున్నారు.