Sai Pallavi About Dhanush : టాలీవుడ్ హీరోయిన్ సాయిపల్లవి వరుస హిట్లతో దూసుకెళ్తున్నారు. ఇటీవల శివకార్తికేయన్తో కలిసి 'అమరన్'లో మెరిశారు. ఈ సినిమాలో ఆమె నటనకు మంచి మార్కులు పడడమే కాకుండా, సినిమా కూడా హిట్ టాక్ అందుకుంది. అయితే, కోలీవుడ్ స్టార్ ధనుశ్ లేకపోతే తాను ఓ సినిమా నుంచి తప్పుకునేదాన్నంటూ సాయిపల్లవి ఇటీవల ఓ ఇంటర్వ్యూలో చెప్పుకొచ్చారు.
'ధనుశ్ గైడెన్స్ లేకుంటే ఆ సినిమా నుంచి తప్పుకునేదాన్ని'
'ఎన్జీకే' సినిమా షూటింగ్ సమయంలో నాకు సెట్స్లో నాకు చాలా అసౌకర్యంగా అనిపించింది. అక్కడ నేను యాక్ట్ చేసిన తర్వాత డైరెక్టర్ సెల్వ రాఘవన్ నేను బాగా నటించానో లేదో అని అస్సలు చెప్పేవారు కాదు. దీంతో నాకు కాస్త అసౌకర్యంగా అనిపించేది. అప్పుడే ధనుశ్ నన్ను పిలిచి సెల్వ రాఘవన్ మూవీ షూటింగ్ ఎలా జరుగుతోంది. షూటింగ్ సంగతులు ఏంటని అడిగారు. అప్పుడు ఆయనకు ఈ విషయం చెప్పాను. అప్పుడు ఆయన చాలా సపోర్ట్ చేశారు. 'బాధపడకండి. సెల్వ మిమ్మల్ని పరీక్షిస్తున్నాడు. త్వరలోనే అంతా సర్దుకుంటుంది' అని అన్నారు. ఆయన లేకుంటే నేను 'ఎన్జీకే' మూవీ నుంచి తప్పుకునేదాన్ని." అని అప్పటి రోజులను గుర్తు చేసుకున్నారు.
ఇక ధనుశ్తో మాట్లాడిన తర్వాత సాయిపల్లవి మనసు కుదుటపడిందట. ఫుల్ ఎనర్జీతో ఎన్జీకే షూటింగ్కు వెళ్లారట సాయి పల్లవి. ఇక ఈ సినిమా సెట్లో హీరో సూర్య కూడా ఆమెకు పలు విషయాల్లో అండగా నిలిచారట. అయితే భారీ అంచనాల నడుమ వచ్చిన ఆ చిత్రం బాక్సాఫీస్ వద్ద ఆశించిన స్థాయిలో టాక్ అందుకోలేకపోయింది.