August Last Week OTT Movies Releases : ప్రేక్షకుల్ని ఆకట్టుకోవడమే లక్ష్యంగా ఓటీటీల్లోకి ప్రతీ వారం సినిమాలు, వెబ్ సిరీస్లు క్యూ కడుతాయన్న సంగతి తెలిసిందే. అలానే వచ్చే వారం(ఆగస్టు నాలుగో వారం) కూడా ఓటీటీ ప్లాట్ఫామ్స్లోకి పలు క్రేజీ సినిమాలు స్ట్రీమింగ్కు వచ్చేందుకు రెడీ అయ్యాయి. వీటిలో ముఖ్యంగా మూడు సినిమాలు ఆసక్తిని పెంచుతున్నాయి. ధనుశ్ స్వీయ దర్శకత్వంలో హీరోగా తెరకెక్కిన రాయన్ సహా ఓ మలయాళ చిత్రం ఉన్నాయి. అలానే ఓ హిందీ మూవీ కూడా డైరెక్ట్గా స్ట్రీమింగ్కు సిద్ధమైంది. కల్కి 2899 ఏడీ చిత్రం కూడా వచ్చే వారమే ఓటీటీలోకి వస్తుందనే ప్రచారం జోరుగా సాగుతోంది. కానీ దీనిపై అధికారిక ప్రకటన రాలేదు.
రాయన్(Raayan OTT Release) - తమిళ స్టార్ హీరో ధనుశ్ హీరోగా నటించిన రాయన్ సినిమా రీసెంట్గా థియేటర్లలో విడుదలై రూ.175 కోట్ల వరకు వసూళ్లను సాధించింది. అమెజాన్ ప్రైమ్ వీడియోలో ఆగస్టు 23 నుంచి స్ట్రీమింగ్కు రానుంది. తమిళంతో పాటు తెలుగు, హిందీ, మలయాళం, కన్నడ భాషల్లో అందుబాటులో ఉండనుంది.
గర్ర్ - ఈ మలయాళ సర్వైవల్ కామెడీ సినిమా ఆగస్టు 20 నుంచి డిస్నీ ప్లస్ హాట్‍స్టార్లో స్ట్రీమింగ్కు అడుగు పెట్టనుంది. మలయాళంతో పాటు తెలుగు, హిందీ, తమిళం, కన్నడ భాషల్లో వ్యూయర్స్కు అందుబాటులో ఉండనుంది. సూరజ్ వెంజరమూడు, కుంచాకో బోబన్ ప్రధాన పాత్రల్లో నటించారు. జై కే దర్శకత్వం వహించారు.