LIC Jeevan Dhara II Policy : లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) 'జీవన్ ధార-2' పేరుతో ఒక సరికొత్త యాన్యుటీ ప్లాన్ను లాంఛ్ చేసింది. 2024 జనవరి 22 నుంచి ఈ ఎల్ఐసీ బీమా పాలసీ అందుబాటులోకి రానుంది. ఈ పాలసీ తీసుకోవడానికి కావాల్సిన అర్హతలు, వయోపరిమితి, యాన్యుటీ ఆప్షన్స్, ప్రీమియం వ్యవధులు మొదలైన పూర్తి వివరాలు ఇప్పుడు తెలుసుకుందాం.
ఎల్ఐసీ జీవన్ ధార 2 అంటే ఏమిటి?
జీవన్ ధర-2 అనేది ఒక వ్యక్తిగత, పొదుపు, డిఫర్డ్ యాన్యుటీ ప్లాన్. ఈ పాలసీ గుర్తింపు సంఖ్య (UIN) - 512N364V01. ప్లాన్ నంబర్ 872.
ఎవరు ఆ పాలసీ తీసుకోవచ్చు?
- కనీస వయస్సు : 20 ఏళ్ల వయస్సు నిండిన వ్యక్తులు అందరూ ఈ ఎల్ఐసీ జీవన్ ధార 2 పాలసీని తీసుకోవచ్చు.
- గరిష్ఠ వయస్సు : మీరు ఎంచుకున్న పాలసీ యాన్యుటీ ప్రకారం, గరిష్ఠ వయస్సు (80 ఏళ్లు/ 70ఏళ్లు/ 65 ఏళ్లు) మారుతూ ఉంటుంది.
యాన్యుటీ ఆప్షన్స్
- ఈ ఎల్ఐసీ జీవన్ ధార పాలసీలో 11 యాన్యుటీ ఆప్షన్స్ ఉన్నాయి.
- ఆ పాలసీ తీసుకున్నవారికి హామీతో కూడిన (గ్యారెంటీ ఇన్కం) వార్షిక చెల్లింపులు ఉంటాయి.
- ఎక్కువ వయస్సు ఉన్నవారికి ఎక్కువ వడ్డీ లభిస్తుంది.
- వాయిదా (డిఫర్మెంట్ పీరియడ్) వ్యవధిలోనూ జీవిత బీమా రక్షణ ఉంటుంది.
ప్రీమియం ఫ్లెక్సిబిలిటీ
- పాలసీదారులు రెగ్యులర్ ప్రీమియం చెల్లించవచ్చు. లేదా ఒకేసారి మొత్తం ప్రీమియంను చెల్లించవచ్చు. ఈ రెండు ఆప్షన్లలో మీకు నచ్చిన దానిని ఎంచుకోవచ్చు.
- పాలసీదారులు సింగిల్ లైఫ్ యాన్యుటీ, జాయింట్ లైఫ్ యాన్యుటీల్లో తమకు నచ్చిన దానిని ఎంచుకోవచ్చు. అంటే వ్యక్తిగతంగా లేదా కుటుంబం మొత్తానికి ఈ ఎల్ఐసీ పాలసీ తీసుకోవచ్చు.
పాలసీ టెన్యూర్
- రెగ్యులర్ ప్రీమియం డిఫర్మెంట్ పీరియడ్ 5-15 సంవత్సరాలు ఉంటుంది. సింగిల్ ప్రీమియానికైతే ఈ వాయిదా కాలం 1-15 సంవత్సరాలు ఉంటుంది.
- పాలసీదారులు తమ పరిస్థితులకు అనుగుణంగా యాన్యుటీ చెల్లింపులను, ఎప్పుడు ప్రారంభించాలో నిర్ణయించుకోవచ్చు.
- పాలసీదారులు నెలవారీగా పాలసీ ప్రీమియం చెల్లించవచ్చు. లేదా 3 నెలలు, 6 నెలలు, ఒక సంవత్సరం వ్యవధుల్లో ప్రీమియాన్ని చెల్లించవచ్చు.
బెనిఫిట్స్
- అధిక ప్రీమియం కట్టినవారికి, ఆన్లైన్లో పాలసీ తీసుకున్నవారికి అధిక వడ్డీ చెల్లిస్తారు.
- యాన్యుటీ టాప్-అప్ చేసుకోవడానికి అవకాశం ఉంటుంది.
- ఈ ఎల్ఐసీ జీవన్ ధార 2 పాలసీపై లోన్ తీసుకోవచ్చు.
- పాలసీదారుడు మరణిస్తే ఏకమొత్తంగా పరిహారం పొందవచ్చు. లేదా వాయిదా పద్ధతుల్లోనూ పరిహారం తీసుకోవచ్చు.
మార్కెట్లోకి కొత్త మ్యూచువల్ ఫండ్స్ - ఇన్వెస్ట్ చేశారంటే లాభాల పంటే!
మీ కారు "గ్యారేజ్కు దారెటు భయ్యా?" అంటోందా - ఇవి చెక్ చేయకుంటే అంతేమరి!
