ఆయిల్​ ట్యాంకర్​లో పేలుడు.. నలుగురు సజీవదహనం

Oil Tanker Exploded: వంతెనపై ప్రయాణిస్తున్న ఓ ఆయిల్​ ట్యాంకర్​లో అకస్మాత్తుగా మంటలు చెలరేగి పేలుడు సంభవించింది. దీంతో వెంటనే ట్యాంకర్​.. వంతెనపై నుంచి కింద పడింది. ఒడిశాలోని నయాగఢ్​ జిల్లాలో బడాపాండుసర్​ వంతెనపై ఈ ప్రమాదం జరిగింది. ఈ ఘటనలో నలుగురు సజీవ దహనమయ్యారు. ఘటనాస్థలానికి చేరుకున్న అగ్నిమాపక సిబ్బంది మంటలను అదుపు చేశారు. ప్రమాదం వెనుక కారణం ఇంకా తెలియాల్సి ఉంది. సమాచారం అందుకున్న పోలీసులు ఘటనపై విచారణ చేపడుతున్నారు.