వద్దన్నా వినిపించుకోలేదు.. వరదలో కొట్టుకుపోయాడు.. వీడియో వైరల్​

ఝార్ఖండ్​ రామ్​గఢ్​లో ఓ యువకుడు వరద నీటిలో కొట్టుకుపోయాడు. కొద్దిరోజులుగా కురుస్తున్న వర్షాలకు భైరవీ నది ప్రవాహం పెరిగిపోయింది. దీంతో డ్యామ్​ గేట్లను తెరవగా.. సమీప దుకాణాలు, నివాస ప్రాంతాల మీదుగా నీరు ఉద్ధృతంగా ప్రవహిస్తోంది. ఈ సమయంలోనే పిప్రాజ్రా గ్రామ నివాసి సంతోష్​ మాంఝీ ఆ నీటి ప్రవాహాన్ని దాటే ప్రయత్నం చేశాడు. మరోవైపు దుకాణదారులు, జనం వద్దని వారిస్తున్నా వినిపించుకోకుండా దుస్సాహసం చేశాడు. అలాగే కొట్టుకుపోయాడు. అతడి ప్రస్తుత పరిస్థితి గురించి సమాచారం లేదు.