మక్కా క్లాక్​ టవర్​పై పిడుగు.. లక్షలాది వ్యూస్​తో వీడియో వైరల్

సౌదీ అరేబియా మక్కాలోని ప్రఖ్యాత క్లాక్ టవర్​పై పిడుగు పడిన దృశ్యం సామాజిక మాధ్యమాల్లో వైరల్ అయింది. ఓ రోజు సాయంత్రం వర్షం కురుస్తుండగా బుర్జ్​ అల్​ సా గడియార స్తంభంపై భారీ పిడుగు పడి.. నగరమంతా ఒక్కసారిగా మెరిసిపోయిన వీడియోను ట్విట్టర్​లో ఇప్పటికే దాదాపు 15 లక్షల మంది వీక్షించారు. జెడ్డాలోని కింగ్​ అబ్దుల్​అజీజ్​ విశ్వవిద్యాలయంలో ఖగోళ శాస్త్రం చదువుతున్న ముల్హాం హెచ్ అనే వ్యక్తి శుక్రవారం ఈ వీడియో షేర్ చేశారు.