Farmer : రైతుకెంత కష్టమొచ్చె.. బండికి అరక కట్టె...

రైతు(Farmer) పంటను పండించడానికి ఆరుగాలం ఎంత కష్టపడతాడో ఈ వీడియో చూస్తే అర్థమవుతుంది. కామారెడ్డి జిల్లా జుక్కల్ మండలం బస్వాపూర్​లో మారుతి అనే రైతు.. తన రెండెకరాల్లో పత్తి పంట సాగు చేశారు. పత్తిలో కలుపు మొక్కలు ఎక్కువగా పెరిగాయి. కలుపు తీయించడానికి కూలీలు దొరకక, సొంత ఎద్దులు లేకపోవడం వల్ల ద్విచక్రవాహనానికి అరక కట్టి కలుపు మొక్కలు తొలగించారు. ఈ వీడియో ఇప్పుడు సామాజిక మాధ్యమాల్లో వైరల్​గా మారింది. ఈ దృశ్యాలను చూసిన పలువురు రైతన్నకు ఎంత కష్టమచ్చిందోనని సానూభూతి వ్యక్తం చేశారు.