బుల్లెట్ బైక్​కు మంటలు... చూస్తుండగానే పూర్తిగా..

Royal Enfield caught fire: తమిళనాడు చెన్నైలో ఓ రాయల్ ఎన్​ఫీల్డ్ బైక్ బుధవారం మంటల్లో కాలిపోయింది. వల్లువార్ కొట్టం రోడ్​పై వెళ్తున్న వాహన చోదకుడు.. బైక్ వేడెక్కడాన్ని గమనించాడు. వెంటనే రోడ్డు పక్కన బైక్​ను ఆపేశాడు. ఈ క్రమంలోనే బైక్​లో మంటలు చెలరేగాయి. పక్కనే ఉన్న ఓ రెస్టారెంట్లో నుంచి నీటిని తీసుకొచ్చి బైక్​పై పోశారు. మంటలను అదుపులోకి తెచ్చారు. నుంగంబక్కం అగ్నిమాపక సిబ్బంది.. ఘటనాస్థలికి చేరుకొని మంటలను పూర్తిగా ఆర్పేశారు. వాహనదారుడు ఈ బుల్లెట్ బండిని రెండేళ్ల క్రితం కొనుగోలు చేసినట్లు తెలిసింది. తన స్టోర్ నుంచి ఇంటికి వెళ్తుండగా మంటలు చెలరేగాయని వాహనదారుడు తెలిపారు.