Prabhas Spirit : పాన్ఇండియా స్టార్ ప్రభాస్- సందీప్రెడ్డి వంగ కాంబోలో తెరకెక్కనున్న మూవీ 'స్పిరిట్'. సెన్సేషనల్ డైరెక్టర్ సందీప్ రెడ్డి తెరకెక్కిస్తుండడం వల్ల ఈ సినిమాపై ఇప్పటికే భారీ అంచనాలు ఏర్పడ్డాయి. ప్రస్తుతం సందీప్ రెడ్డి ప్రీ పొడక్షన్ పనులతో బిజీగా ఉన్నారు. అయితే మేకర్స్ నటీనటుల (Cast And Crew) ఎంపికపై దృష్టి పెట్టారు. ఈ క్రమంలో మేకర్స్ క్రేజీ అనౌన్స్మెంట్ చేశారు. సినిమాల్లో నటించేందుకు ఉత్సాహంగా ఉన్న ఆశావాహులను ఎంపిక చేసుకుంటామని తాజాగా ఓ ప్రకటన ఇచ్చారు.
'స్పిరిట్' సినిమా కోసం ఆడిషన్స్ నిర్వహిస్తున్నట్లు తెలిపారు. వయసుతో సంబంధం లేకుండా ఆసక్తి గల నటీనటులందరూ సంప్రదించవచ్చని పేర్కొన్నారు. 2 ఫొటోలు, 2 నిమిషాల నిడివితో ఉన్న వీడియో రికార్డ్ చేసి సంబంధింత మెయిల్కు పంపాలని కోరారు. ఈ మేరకు 'కాస్టింగ్ కాల్' అంటూ సోషల్ మీడియాలో ఓ పోస్టర్ షేర్ చేశారు. నటనపై ఆసక్తి ఉన్న వాళ్లకు ఇది బంపర్ ఆఫర్ అంటూ నెటిజన్లు కామెంట్లు పెడుతున్నారు. మరి ప్రభాస్ సినిమాలో నటించే ఛాన్స్ ఎవరెవరికి దక్కుతుందో చూడాలి.
కాగా, ఈ సినిమాలో ప్రభాస్ పవర్ఫుల్ పోలీస్ ఆఫీసర్ పాత్రలో కనిపించనున్నారు. సినిమాలో యాక్షన్ డోస్ హై రేంజ్లో ఉండనుందని తెలుస్తోంది. ఇప్పటికే షూటింగ్ ప్రారంభం అవుతుందని ముందుగా ప్రచారం సాగినా, ఇంకా పట్టాలెక్కలేదు. వేసవి తర్వాత చిత్రీకరణ ప్రారంభం కానున్నట్లు సినీవర్గాల టాక్. 6 నెలల్లోనే షూటింగ్ కంప్లీట్ చేసేలా ప్లాన్ చేస్తున్నారట. ఈ లెక్కన వచ్చే ఏడాది బాక్సాఫీస్ వద్ద 'స్పిరిట్' ర్యాంపేజ్ ఉండడం పక్కాగా కనిపిస్తోంది.
We’re calling all aspiring actors for an exciting casting opportunity in our film, " spirit". pic.twitter.com/DgLZ5kIvNO
— Bhadrakali Pictures (@VangaPictures) February 12, 2025
ఇక ఈ సినిమాలో బాలీవుడ్ స్టార్ కపుల్ సైఫ్ అలీఖాన్, కరీనా కపూర్, మాలీవుడ్ మెగాస్టార్ మమ్మూట్టి తదితరులు నటించనున్నారని టాక్ వినిపిస్తోంది. హర్షవర్ధన్‌ రామేశ్వర్‌ సంగీతం అందిస్తుండగా, భూషణ్ కుమార్ భారీ బడ్జెట్తో నిర్మిస్తున్నారు.
