లక్కీ ఓల్డ్ మ్యాన్.. పైనుంచి రైలు వెళ్లినా ప్రాణాలతో..

బిహార్​లో ఓ వృద్ధుడు పెను ప్రమాదం నుంచి తప్పించుకున్నాడు. రైలు అతడి పైనుంచి వెళ్లినా.. ప్రాణాలతో బయటపడ్డాడు. రైలు పట్టాలు​ దాటుతుండగా అకస్మాత్తుగా గూడ్స్​ రైలు కదిలింది. వెంటనే అప్రమత్తమైన ఆ వృద్ధుడు.. పట్టాలపైనే పడ్డుకున్నాడు. రైలు వెళ్లిపోయేదాకా అలాగే ఉన్నాడు. అనంతరం తనకు తానుగా లేచి వెళ్లిపోయాడు. ఈ ఘటనలో వృద్ధుడికి చిన్న గాయం కూడా కాలేదు. దీనికి సంబంధించిన వీడియో ప్రస్తుతం వైరల్​ అవుతోంది. 

ఇదీ జరిగింది.. గయా జిల్లా ఫతేపుర్​ మండలంలోని మోర్​హే గ్రామానికి చెందిన బాలో యాదవ్​ అనే వృద్ధుడు.. గయా-కోడెర్మా రైల్వే సెక్షన్​లోని పహాడ్​పుర్​ రైల్వే స్టేషన్​లో పట్టాలు దాటుతున్నాడు. ఇంతలో అదే స్టేషన్​లో నిలిచి ఉన్న గూడ్స్​ రైలు ఒక్కసారిగా కదిలింది. దీన్ని గమనించిన ప్రయాణికులు.. పట్టాలపై పడుకోమని వృద్ధుడికి కేకలు వేసి చెప్పారు. వెంటనే అప్రమత్తమైన వృద్ధుడు వారు చెప్పినట్లు చేశాడు. రైలు వెళ్లే వరకు అలాగే పడుకుని ఉన్నాడు. అనంతరం కర్ర సహాయంతో తనకు తానుగా లేచి ఏమీ జరగనట్లు వెళ్లిపోయాడు. దీంతో అందరూ ఊపిరి పీల్చుకున్నారు.