వెల్లివిరిసిన మతసామరస్యం- అయ్యప్ప స్వాములకు ముస్లిం విందు

Muslim Men Serve Food To Ayyappa Devotees : కర్ణాటకలో మత సామరస్యం వెల్లివిరిసింది. అయ్యప్ప స్వాములకు భోజనం పెట్టి ఇతర మతాలపై తనకున్న గౌరవాన్ని చాటుకున్నారు ఓ ముస్లిం. పరిసర గ్రామాలకు చెందిన 58 మంది అయ్యప్ప స్వాములకు స్వయంగా వడ్డించారు కరీం సాబ్​. ఇంతకీ ఆయన ఎందుకు ఇలా చేస్తున్నారంటే? 

రాయచూర్​ జిల్లాలోని కవితా టౌన్​కు చెందిన వ్యక్తి కరీం సాబ్. ఆయనకు మతసామరస్యం ఎక్కువ. ఈ క్రమంలోనే అయ్యప్ప స్వాములకు అన్నదానం చేయాలని ఆయన భావించారు. వివిధ గ్రామాలకు చెందిన 58 మంది అయ్యప్ప స్వాములకు ఫోన్​లో ఆహ్వానం అందించారు. తన ఇంట్లోనే వంటకాలు తయారు చేసి అయ్యప్ప స్వాములకు స్వయంగా వడ్డించారు కరీం సాబ్​. తన మతంపై ప్రేమ ఉందని, అదే సమయంలో ఇతర మతాలపైనా గౌరవం ఉందని ఆయన తెలిపారు. ఇందులో భాగంగానే మతసామరస్యాన్ని చాటిచెప్పేందుకు వివిధ కార్యక్రమాలు చేస్తున్నానని కరీం సాబ్ వివరించారు.