Mahbubnagar Tankbund Mega Drone Show : మహబూబ్​నగర్​ ట్యాంక్​బండ్​పై మెగా డ్రోన్ షో.. చూస్తే ఫిదా కావాల్సిందే..

Mahbubnagar Tankbund Mega Drone Show : మహబూబ్​నగర్ జిల్లా కేంద్రంలోని ట్యాంక్ బండ్​పై అట్టహాసంగా ఏర్పాటు చేసిన మెగా డ్రోన్ ప్రదర్శన పట్టణవాసులను ఎంతగానో ఆకట్టుకుంది. 450 డ్రోన్​లతో దేశంలోనే మొట్టమొదటి సారిగా మెగా డ్రోన్ షో ఏర్పాటు చేసినట్టు ఆబ్కారీ శాఖ మంత్రి శ్రీనివాస్ గౌడ్ తెలిపారు. జ్యోతి ప్రజ్వలన చేసి దీనిని ప్రారంభించిన మంత్రి.. పాలమూరు ఖ్యాతిని ప్రపంచ స్థాయికి తీసుకెళ్లాలనే ఉద్దేశంతో ప్రపంచ స్థాయిలో ఈ ప్రదర్శన చేపట్టినట్లు వివరించారు.

Mega Drone Show Visuals : ట్యాంక్ బండ్​లోని ఐలాండ్​పై రంగురంగుల లైట్లతో మిరుమిట్లు గొలుపుతూ 12 ప్రదర్శనలు కొనసాగాయి. డ్రోన్ షోలో ప్రదర్శించిన చిత్రాలు చూపరులను విశేషంగా ఆకట్టుకున్నాయి. తెలంగాణ, మహబూబ్​నగర్ చిత్ర పటాలు, కోహినూర్ వజ్రం, అర్బన్ ఎకో పార్క్, పిల్లలమర్రి, సస్పెన్షన్ బ్రిడ్జి, శిల్పారామం, ఐటీ టవర్, జోగులాంబ దేవాలయంతో పాటు కేసీఆర్, శ్రీనివాస్​గౌడ్ చిత్రాలు అబ్బురపరిచాయి. ఈ డ్రోన్ ప్రదర్శన తిలకించేందుకు వచ్చిన ప్రజలతో ట్యాంక్​​బండ్ ప్రాంతం జనసంద్రంగా మారింది.