ఏనుగుపై డ్యాన్స్ చేస్తూ బరాత్.. రోడ్డుపై డబ్బుల వర్షం కురిపించిన వరుడు

ప్రస్తుతం కాలంలో ప్రజలు తమ పెళ్లిళ్లు గుర్తుండిపోయేలే జరుపుకోవడానికి ఎక్కువగా ఆసక్తి చూపిస్తున్నారు. దీనిలో భాగంగా రకరకాలుగా బరాత్​ వేడుకలు జరుపుకుంటున్నారు. అయితే గుజరాత్​లోని భావ్​నగర్​కు చెందిన ఓ వరుడు ఏనుగుపై ఊరేగుతూ తన బరాత్​ వేడుకలు జరుపుకున్నాడు. భావ్​నగర్​ జిల్లాకు చెందిన రమేశ్​ భగవాన్​భాయ్​ హౌలియా కుమారుడు కుల్​దీప్​కు.. గర్దా ప్రాంతానికి చెందిన వైశాలి అనే యువతికి ఫిబ్రవరి 23న వివాహం జరిగింది. అయితే ఈ వివాహ వేడుకల్లోని ఊరేగింపులో భాగంగా కుల్​దీప్​ ఏనుగుపైకి ఎక్కి.. కత్తిపట్టుకుని మరీ చిందులేశాడు. దీన్ని చూసేందుకు గర్దా వాసులు రోడ్లపైకి ఎగబడ్డారు. కుల్​దీప్ ఏనుగుపై ఉంటూ డబ్బు కట్టలను కిందకు విసిరాడు. ఈ ఊరేగింపులో రకరకాల లగ్జరీ కార్లు ఏనుగును అనుసరించాయి. ఈ కార్లపైకి ఎక్కి అతడి బంధువులు కూడా నోట్ల కట్టలను కిందకు విసిరారు. దీంతో దాదాపు ఓ కిలోమీటరు మేర ట్రాఫిక్​కు అంతరాయం ఏర్పడినట్లు స్థానికులు వెల్లడించారు. ప్రస్తుతం ఈ వీడియో సోషల్​ మీడియాలో స్థానికంగా వైరల్​గా మారింది.