Dog Attack Woman Viral Video : డాక్టర్​ భార్యపై వీధి కుక్కల దాడి.. లెగ్​ ఫ్రాక్చర్​!.. ప్రస్తుతం ఎలా ఉందంటే?

Dog Attack Woman Viral Video : దేశ రాజధాని దిల్లీలో మరోసారి వీధి కుక్కలు బీభత్సం సృష్టించాయి. వసంత్​కుంజ్​ ప్రాంతంలో ఓ మహిళపై వీధి కుక్కలు తీవ్రంగా దాడి చేశాయి. వెంటనే స్థానికులు మహిళను ఆస్పత్రిగా తరలించగా.. ప్రస్తుతం ఆమె చికిత్స పొందుతోంది. సెప్టెంబర్​ 11వ తేదీ సాయంత్రం నాలుగు గంటల ప్రాంతంలో ఈ ఘటన జరిగింది. అక్కడే ఉన్న సీసీటీవీలో రికార్డ్​ అయిన సీసీటీవీ దృశ్యాలు.. ప్రస్తుతం సోషల్​ మీడియాలో వైరల్​గా మారాయి.

Dog Bite Woman Delhi : అయితే.. అటువైపుగా బాధితురాలు వస్తున్న సమయంలో ఒక్కసారిగా ఆమెపైకి నాలుగు వీధి కుక్కలు వచ్చినట్లు వీడియోలో కనిపిస్తోంది. దీంతో ఆమె తన ప్రాణాలు కాపాాడుకునేందుకు ప్రయత్నించగా జారిపడిపోయింది. ఈ ఘటనలో బాధితురాలి కాలు ఫ్రాక్చర్​ అయినట్లు సమాచారం. దిల్లీ ఎయిమ్స్​లో ఆమె కాలుకు శస్త్ర చికిత్స జరిగినట్లు తెలుస్తోంది. ఎయిమ్స్​లో యూరాలజిస్ట్​గా సేవలందిస్తున్న డాక్టర్​ పీఎన్​ డోగ్రా భార్యనే బాధితురాలుగా అధికారులు గుర్తించారు.