డ్యాన్స్​ చేస్తూ స్టేజ్​పైనే గుండెపోటుతో కుప్పకూలిన మహిళ

మధ్యప్రదేశ్​లోని ఓ పెళ్లి వేడుకలో విషాదం నెలకొంది. సంగీత్​ కార్యక్రమంలో డ్యాన్స్​ చేస్తున్న మహిళ ఒక్కసారిగా కుప్పకూలి అక్కడికక్కడే మృతి చెందింది. సివనీ జిల్లాలో బఖారీ గ్రామానికి చెందిన యశోద వివాహానికి వెళ్లింది. పెళ్లి బృందం ఏర్పాటు చేసిన సంగీత్​లో తన అక్కచెల్లెళ్లతో కలిసి డ్యాన్స్​ చేస్తుండగా ఒక్కసారిగా వేదికపైనే గుండెపోటుతో కుప్పకూలింది. దీంతో కుటుంబ సభ్యులు హుటాహుటిన ఆస్పత్రికి తరలించారు. అప్పటికే మృతి చెందినట్లు వైద్యులు ధృవీకరించారు. ఈ వీడియో ప్రస్తుతం సోషల్​మీడియాలో వైరల్​గా మారింది.