పాదరక్షల్లో రూ.5కోట్ల కొకైన్.. ఎయిర్​పోర్ట్​లో అడ్డంగా బుక్కై..

పాదరక్షల్లో కొకైన్​ను అక్రమ రవాణా చేస్తున్న ఓ మహిళను ముంబయి ఇంటర్నేషనల్ ఎయిర్​పోర్ట్​లో అధికారులు అరెస్ట్ చేశారు. ఆమె పాదరక్షలలో నుంచి రూ.4.9 కోట్లు విలువ చేసే 490 గ్రాముల కొకైన్​ను స్వాధీనం చేసుకున్నారు. గురువారం ఈ ఘటన జరిగినట్లు అధికారులు తెలిపారు. అనుమానంతో మహిళను ఎయిర్​పోర్ట్​లో అడ్డగించిన అధికారులు.. అనంతరం పాదరక్షలను తనిఖీ చేశారు. అందులో కొకైన్ ప్యాకెట్లను గుర్తించారు. ఈ నేపథ్యంలో మహిళను అరెస్టు చేసి.. కోర్టులో హాజరు పర్చగా న్యాయస్థానం జ్యుడిషియల్ కస్టడీ విధించింది.