బంపర్​ ఆఫర్​.. స్మార్ట్​ ఫోన్​ కొంటే 2 కిలోల టమాటాలు ఫ్రీ.. ఎక్కడంటే?

Buy Smartphone Get 2 kg Tomatoes : కూరగాయల ధరలు ఆకాశాన్ని తాకడం మామూలే. అందులో భాగంగానే ఇప్పుడు టమాటాల ధరలకు రెక్కలొచ్చాయి! ప్రస్తుతం కిలో టమాట ధర రూ. 100 నుంచి రూ. 200 వరకు పలుకుతోంది. దీని కారణంగా ఆహార దిగ్గజం మెక్​డొనాల్డ్స్​ సంస్థ తమ మెనూ నుంచి టమాటాలను తొలగించినట్లు వార్తలు వచ్చాయి. అయితే, పెరిగిన టమాటా ధరలను తనకు అనుకూలంగా మార్చుకున్నాడు ఓ వ్యక్తి. తన సెల్​ఫోన్​ షాపులో స్మార్ట్​ఫోన్​​ కొంటే.. 2 కిలోల టమాటాలు బహుమతిగా ఇస్తానని విచిత్ర ఆఫర్​ను ప్రకటించాడు. దీంతో మొబైల్​ ఫోన్లు అమ్ముడుపోయాయని చెబుతున్నాడు. 

ఇదీ జరిగింది.. మధ్యప్రదేశ్​లోని అశోక్​నగర్​ పట్టణంలో ఓ సెల్​ఫోన్​ నడుపుతున్నాడు అశోక్​ అగర్వాల్​ అనే వ్యక్తి. కొన్ని రోజులుగా పెరిగిన టమాటా ధరలు.. వాటి గురించి ప్రజలు ఏమనుకుంటున్నారో గమనించాడు. దీంతో అతడికి ఓ ఆలోచన వచ్చింది. అనుకున్నదే తడవుగా.. తన షాపులో స్మార్ట్​ఫోన్​​ కొనుగోలు చేసినవారికి రెండు కిలోల టమాటాలు బహుమతిగా ఇస్తానని విచిత్ర ఆఫర్​ ప్రకటించాడు. దీన్ని చూసిన వినియోగదారులు అశోక్​ షాపునకు క్యూ కట్టారు. దీనిపై స్పందించిన అశోక్ ఈ ఆఫర్​ వల్ల కస్టమర్ల సంఖ్య పెరిగిందని.. స్మార్ట్​ఫోన్లు కూడా ఎక్కువగా అమ్ముడయ్యాయని సంతోషం వ్యక్తం చేశాడు.