Bipin Rawat Pinda Daan : బిపిన్ ​రావత్ దంపతులకు పిండ ప్రదానం చేసిన కుటుంబ సభ్యులు.. మోక్షం లభించాలని..

Bipin Rawat Pinda Daan : దేశ మొదటి సీడీఎస్ బిపిన్ రావత్, ఆయన భార్య మధులికకు వారి కుటుంబ సభ్యులు బిహార్​లోని గయాలో పిండ ప్రదానం చేశారు. జనరల్ బిపిన్ రావత్, మధులికల కుటుంబ సభ్యులు గయాకు చేరుకుని పితృపక్షమేలా కార్యక్రమాన్ని నిర్వహించారు. ఆ దంపతులకు మోక్షం లభించాలని కోరుతూ శాస్త్రోక్తంగా పిండ ప్రదాన కార్యక్రమాన్ని రావత్ సోదరుడు, కుమార్తెలు నిర్వహించారు. ఈ కార్యక్రమంలో మధులిక సోదరుడు, ఆయన భార్య సైతం పాల్గొన్నారు.  

బిపిన్ రావత్​ దంపతులకు మోక్షం చేకూరాలని కోరుతూ పిండ ప్రదానం చేయడానికి గయాకు వచ్చామని మధులిక సోదరుడు తెలిపారు. పితృ శ్రాద్ధ, పిండ ప్రదానం, దాన కార్యక్రమాలు నిర్వహించినట్లు ఆయన తెలియజేశారు.  
2021 డిసెంబర్ 8న M1-17v5 హెలికాఫ్టర్ తమిళనాడులోని కూనూర్​లో కూలిపోయింది. ఈ ప్రమాదంలో జనరల్ బిపిన్ రావత్​తో పాటు ఆయన భార్య మధులిక కూడా మరణించారు. 2020 జనవరి 1 దేశానికి మొదటి చీఫ్ డిఫెన్స్​ స్టాఫ్ ( సీడీఎస్) గా రావత్ నియమితులయ్యారు.