రోడ్డుపై భారీ పైథాన్ హల్​చల్

ఉత్తరాఖండ్​ హరిద్వార్​లోని బీహెచ్​ఈఎల్​ సమీపంలో ఓ భారీ కొండచిలువ హల్​చల్ చేసింది. అనకొండ మాదిరిగా పొడవుగా ఉన్న పైథాన్ రోడ్డు దాటింది. ఈ దృశ్యాలను ఓ స్థానికుడు తన మొబైల్​లో బంధించాడు. ప్రస్తుతం ఈ వీడియో సామాజిక మాధ్యమాల్లో వైరల్​గా మారింది. ఈ విషయం అటవీ అధికారులు దృష్టికి వెళ్లగా వర్షాకాలంలో పాములు ఇలా రోడ్డుపైకి రావడం సహజమేనని అన్నారు. తాము ఘటనాస్థలికి చేరుకునేసరికి పైథాన్ అడవిలోకి వెళ్లిపోయిందని తెలిపారు.