బైక్​పై వెళ్తున్న యువకుడిపై ఎలుగుబంటి దాడి.. లైవ్​ వీడియో

మహారాష్ట్ర బుల్దానాలో ఓ యువకుడు.. త్రుటిలో ఎలుగుబంటి దాడి నుంచి తప్పించుకున్నాడు. అడవి నుంచి పొరపాటున గ్రామంలోకి వచ్చిన ఎలుగుబంటి.. అటుగా వెళ్తున్న ఓ యువకుడిపై దాడికి ప్రయత్నించింది. ఒక్కసారిగా వెనుక వైపు నుంచి బైక్​ పైకి దూకింది. కానీ గ్రామస్థులు కేకలు వేయటం వల్ల అప్రమత్తమైన యువకుడు.. తన ద్విచక్రవాహనం నుంచి దిగి పరిగెత్తి ప్రాణాలు కాపాడుకున్నాడు. తరువాత ఎలుగుబంటి పొలాల్లోకి వెళ్లిపోయింది. ఈ వీడియో ప్రస్తుతం సోషల్​ మీడియాలో చక్కర్లు కొడుతోంది.

ఈ ఘటన బుల్దానా తాలూకాలోని డొంగర్​ ఖండాల గ్రామం వద్ద జరిగింది. ఈ ఊళ్లో శ్రీ శంభాజీ రాజే విద్యాలయం ఉంది. ఈ గ్రామ ప్రజలు తాగునీటి కోసం సమీపంలోని హప్సీకి వెళ్తూ ఉంటారు. గ్రామానికి చెందిన శివాజీ సావ్లే అనే యువకుడు కూడా తన ద్విచక్రవాహనంపై మంచి నీళ్లు తేవడానికి బయలుదేరాడు. ఇంతలో అకస్మాత్తుగా ఓ ఎలుగుబంటి అతని వెనుక నుంచి దాడిచేయడానికి ప్రయత్నించింది. అది చూసిన గ్రామస్థులు కేకలు వేసి యువకుడిని అప్రమత్తం చేశారు. దీంతో యువకుడు బైక్​ పైనుంచి దూకి పక్కకు పారిపోయాడు. ఎలుగుబంటి బైక్​ను ఢీకొని, తరువాత అక్కడ నుంచి సమీపంలోని అడవుల వైపు వెళ్లిపోయింది. ఫలితంగా యువకుడు త్రుటిలో ప్రాణాపాయం నుంచి బయటపడ్డాడు. అయితే, ఎలుగుబంటి సంచరిస్తుడండం వల్ల గ్రామస్థులు మాత్రం ఇంకా భయాందోళనలోనే ఉన్నారు. అటవీశాఖ అధికారులు.. క్రూరమృగాలు గ్రామాల్లోకి రాకుండా చూడాలని వారు విజ్ఞప్తి చేస్తున్నారు.

ఇవీ చదవండి :