దట్టంగా పేరుకుపోయిన మంచు- అమెరికన్ల ఇక్కట్లు

అమెరికాలో మంచు తుపానుతో ప్రజలు వణికిపోతున్నారు. న్యూయార్క్​, న్యూజెర్సీల్లో మంచు విపరీతంగా కురుస్తోంది. హిమపాతం కారణంగా.. జనజీవనం స్తంభించింది. రవాణా నిలిచిపోయింది. విమానాలు రద్దయ్యాయి. ప్రయాణికులు ఎయిర్​ పోర్ట్​ల్లో పడిగాపులు కాస్తున్నారు. కరోనా వ్యాక్సినేషన్​ సెంటర్లు మూతబడ్డాయి. మాన్​హట్టన్​ సెంట్రల్​ పార్కులో 16 అంగుళాలు, న్యూజెర్సీలో 30 అంగుళాల మేర మంచు పేరుకుపోయింది. ప్రజలను బయటకు రావొద్దని హెచ్చరించారు వాతావరణ శాఖ అధికారులు. పలు చోట్ల.. రోడ్లపై కూరుకుపోయిన మంచును తొలగిస్తున్నారు సిబ్బంది. బుధవారం సాయంత్రం వరకు ఈ ప్రభావం కనిపిస్తుందని స్పష్టం చేశారు.