Fancy Numbers Auction in Transport Department : ఫ్యాన్సీ నంబర్లతో రవాణాశాఖకు కాసుల వర్షం కురుస్తోంది. హైదరాబాద్లోని ఖైరతాబాద్ రవాణాశాఖకు ఫ్యాన్సీ నంబర్లతో భారీగా ఆదాయం సమకూరింది. ఇవాళ ఒక్కరోజే రూ.38 లక్షల 76వేల 996 ఆదాయం వచ్చినట్లు హైదరాబాద్ జేటీసీ(జాయింట్ ట్రాన్స్పోర్ట్ కమిషనర్) రమేష్ తెలిపారు. TG 09 E 0009 నంబర్ కు రూ. 10,46,999 ఆదాయం వచ్చింది. ఈ నంబర్ వెంకటేష్ గౌడ్ అనే వ్యక్తి దక్కించుకున్నారు. బిడ్లో అత్యధికంగా 9 నంబర్కే డిమాండ్ ఏర్పడింది. 9 నంబర్ అత్యధికంగా పదిన్నర లక్షల ఆదాయం వచ్చినట్లు హైదరాబాద్ జాయింట్ ట్రాన్స్పోర్ట్ కమిషనర్ రమేష్ పేర్కొన్నారు.
భారీగా ధర పలికిన ఫ్యాన్సీ నంబర్లు
- TG 09 D 9999 నంబర్కు రూ.6,26,000 - ఎటర్నల్ అవెన్యూస్ అండ్ ఇన్ ఫ్రాస్ట్రక్చర్స్ ప్రైవేట్ లిమిటెడ్
- TG 09 E 0001 నంబర్కు రూ. 4,69,900 - పేరటి శ్రీనివాస్ రెడ్డి
- TG 09 E 0005 నంబర్కు రూ.2,43,001 - కరా కౌన్సిల్ ప్రైవేట్ లిమిటెడ్
- TG 09 E 0006 నంబర్కు రూ. 2,25,117 - గాయజ్ జ్యుయెల్లరీ ప్రైవేట్ లిమిటెడ్
- TG 09 E 0007 నంబర్కు రూ. 1,58,003 ఎస్.కే.కార్ లాంజ్
- TG 09 E 0003 నంబర్కు రూ. 1,11,000 - వెర్ట్ లైన్ మరైన్ బంకర్స్ ప్రైవేట్ లిమిటెడ్
- TG 09 E 0027 నంబర్కు రూ. 1,09,000 - న్యూల్యాండ్ లేబోరేటరీస్ లిమిటెడ్
- TG 09 E 0019 నంబర్కు రూ. 1,00,019 - సితార ఎంటర్ ప్రైజెస్ ప్రైవేట్ లిమిటెడ్
ఫ్యాన్సీ నంబర్లపై రోజురోజుకు జనాలకు మరింత ఇష్టం పెరిగిపోతుంది. పుట్టినరోజు, పెళ్లిరోజు, అదృష్ట సంఖ్య అని ఇలా తమ తమ జీవితంలో ముఖ్యమైన నంబర్లను పొందడానికి వాహనదారులు లక్షలు కుమ్మరిస్తున్నారు. కొందరు ప్రత్యేకమైన నంబర్ను హోదాగా భావించడం, మరికొందరు న్యూమరాలజీని నమ్మి ఆ నంబర్తో తమకు అంతా కలసివస్తుందని భావిస్తుంటారు. ఏది ఏమైనా తమ వాహనానికి మాత్రం కోరుకున్న ఫ్యాన్సీ నంబర్ కచ్చితంగా ఉండాల్సిందే అని అనుకుంటున్నారు. దీంతో పోటీ భారీగా ఉంటోంది. అదికాస్త నంబర్ కొనుగోలుపై ప్రభావం చూపి రవాణా శాఖకు కాసులు కురుపిస్తోంది.
0001 నంబరుకు రూ.11,11,111 - ఫ్యాన్సీ నంబర్లకు కాసుల వర్షం
కోట్లు కురిపిస్తున్న '9' నంబరు - ఆదాయం ఎంతో తెలిస్తే ఆశ్చర్యపోతారు!
