హిమపాతంతో పదుల సంఖ్యలో ప్రమాదానికి గురైన కార్లు

జపాన్​లోని మియాగిలో భారీగా కురుస్తోన్న హిమపాతంతో జనజీవనం స్తంభించిపోయింది. మంచు వల్ల రోడ్డు కనిపించక జాతీయ రహదారిపై పదుల సంఖ్యలో వాహనాలు ప్రమాదానికి గురయ్యాయి. ఒకదాని వెనక ఒకటి ఢీకొన్నాయి. ఈ ప్రమాదంలో ఒకరు ప్రాణాలు కోల్పోయారు. పలువురికి తీవ్ర గాయాలయ్యాయి. కిలోమీటర్ల మేర వాహనాలు నిలిచిపోయాయి. ప్రమాదానికి గురైన కార్లు, ఇతర వాహనాలను రహదారి మీదనుంచి తొలగించేందుకు అధికారులు చర్యలు చేపట్టారు.