ఏథెన్స్‌ను కప్పేసిన మంచు దుప్పటి

శీతాకాలం ప్రారంభమైన వేళ గ్రీస్‌ రాజధాని ఏథెన్స్‌లో భారీగా మంచు కురుస్తోంది. ఏటా దేశంలోని ఉత్తర, పర్వత ప్రాంతాల్లోనే అధికంగా మంచు కురుస్తుంది. ఈ ఏడాది మాత్రం రాజధాని ప్రాంతంలోనూ భారీ హిమపాతం నమోదవుతోంది. మంచు కారణంగా జనజీవనం స్తంభించింది. అత్యవసరమైతే తప్ప బయటకు రావొద్దని అధికారులు.. ప్రజలకు సూచించారు. కరోనా వ్యాక్సినేషన్​ను మంగళవారం నిలిపివేశారు. మంచు ప్రభావంతో దేశంలోని పలు ప్రధాన రహదారులను సైతం మూసివేశారు. డ్రోన్ కెమెరాతో తీసిన మంచు దృశ్యాలు చూపరులను ఆకట్టుకున్నాయి. పాదచారులు, స్థానికులు మంచులో ఆనందంగా గడిపారు.