అమెరికా సైనికుల నోట 'జనగణమన'

'యుధ్‌ అభ్యాస్ ‌2019’ సైనిక శిక్షణ సందర్భంగా అమెరికా సైనికులు తమకు చెందిన బ్యాండ్​ బృందం సాయంతో భారత జాతీయ గీతాన్ని లయబద్ధంగా వాయించారు. ఇండో- యూఎస్​ రక్షణ సహకారంలో భాగంగా సెప్టెంబర్​ 5వ తేదీన ప్రారంభమైన సైనిక శిక్షణ కార్యక్రమాలు నిన్నటితో ముగిశాయి. యుధ్​ అభ్యాస్​లో భాగంగా ఇరు దేశాల రక్షణ దళాలు అనేక యుద్ధ వ్యూహాల్లో తర్ఫీదు పొందాయి. మాక్​ డ్రిల్​ కూడా నిర్వహించారు. శిక్షణ కార్యక్రమం ముగింపు సందర్భంగా అమెరికా రక్షణ దళం భారత జాతీయ గీతాన్ని లయబద్ధంగా వాయించి ఆకట్టుకుంది.