'అగ్నికి ఆహుతైన విలాసవంతమైన విహార నౌక'

అమెరికాలో ఓ విలాసవంతమైన విహారనౌకలో తీవ్రమైవ మంటలు చెలరేగాయి. దీన్ని అదుపుచేసేందుకు 45 మంది అగ్నిమాపక సిబ్బంది 2 గంటలపాటు శ్రమించారు. అనంతరం ఆ నౌక అట్లాంటిక్​ తీరంలోని బిస్కేయిన్​ అఖాతంలో పాక్షికంగా మునిగిపోయింది. సుమారు 120 అడుగుల పొడవుగల నౌకలో.. స్థానిక ఐలాండ్​ గార్డెన్​ వద్ద ఈ ప్రమాదం చోటుచేసుకుందని అధికారిక వర్గాలు తెలిపాయి. ఇది ప్రముఖ అమెరికన్​ గాయకుడు మార్క్​ ఆంథోనీకి చెందినదిగా అధికారులు పేర్కొన్నారు. అయితే.. ఈ ఘటనలో ఎలాంటి ప్రాణనష్టం వాటిల్లలేదు.