Jailer Fans Celebrations : రజనీ​ కోసం చెన్నై వచ్చిన జపాన్​ ఫ్యాన్స్..​ ప్రపంచమంతా 'జైలర్​' ఫీవర్!

Jailer Fans Celebrations : వీకెండ్​తో సంబంధం లేకుండా, ఫెస్టివల్ సీజన్ రాకుండానే రజనీ ఫ్యాన్స్​ అంబరాన్నంటేలా సంబరాలు చేసుకుంటున్నారు. దీనికి కారణం ఆయన లేటెస్ట్​ మూవీ 'జైలర్' రిలీజ్​. ప్రపంచవ్యాప్తంగా పలు థియేటరల్లో గురువారం విడుదలైన ఈ సినిమా తొలి షో నుంచే బాక్సాఫీస్​ ముందు దూసుకెళ్తోంది. దీంతో ఎక్కడ చూసిన ఇప్పుడు ఈ సినిమా గురించే టాక్​ నడుస్తోంది. 

Rajni Japan Fans Visit Chennai : అయితే రజనీకి ఇండియాలోనే కాదు ఓవర్సీస్​లోనూ మంచి క్రేజ్​ ఉంది. యూఎస్​, జపాన్​ లాంటి దేశాల్లో ఆయన సినిమా టిక్కెట్ల కోసం క్యూ కట్టే జనాలున్నారు. తాజాగా జపాన్​కి చెందిన ఓ జంట జైలర్​ సినిమా చూసేందుకు జపాన్ నుంచి చెన్నైకి వచ్చారు. వారు గత కొన్నేళ్లుగా రజనీ ఫ్యాన్స్​ అని.. ఈ సినిమా చూసేందుకే జపాన్​ నుంచి వచ్చామంటూ చెప్పుకొచ్చారు. అంతే కాకుండా ఆయన సినిమాల్లోని ఫేమస్​ డైలాగ్స్​ను ఆ ఫ్యాన్స్ అవలీలగా చెప్తున్నారు. దీని బట్టి రజనీకి ఏ రేంజ్​లో ఫ్యాన్​ ఫాలోయింగ్​ ఉందో ఇట్టే చెప్పేయచ్చు.

Rajni Fans Celebrations : ఫస్ట్​డే ఫస్ట్​ షో అంటూ థియేటర్ల వద్ద రజనీ ఫ్యాన్స్ భారీ సంఖ్యలో తరలివచ్చారు. దీంతో తమిళనాడులోని పలు థియేటర్ల వద్ద పండుగ వాతావరణం నెలకొంది. డ్యాన్స్​లు, నినాదాలు, బాణసంచా పేలుళ్లతో సంబరాలు చేసుకుంటున్నారు. సూపర్​స్టార్​ కటౌట్​ల​కు పాలాభిషేకాలు చేస్తూ తమ అభిమానాన్ని చాటుతున్నారు. మదురైలోని కొంతమంది ఫ్యాన్స్​ అయితే విన్నూత్నంగా 'జైలర్'​ కోసం ఖైదీల దుస్తుల్లో వచ్చారు. ఒక్క తమిళనాడులోనే కాదు దేశంలోని పలు ప్రధాన నగరాల్లో తలైవా ఫ్యాన్స్​ సందడి చేస్తున్నారు. దీంతో ఎక్కడ చూసిన  'జైలర్​' మేనియా నడుస్తోంది.