కప్పల కోసం ప్రత్యేక శకటం ప్రదర్శించిన గోవా

దిల్లీ రాజ్​పథ్​లో గణతంత్ర వేడుకలు అంగరంగ వైభవంగా జరిగాయి. ఈ కార్యక్రమంలో వివిధ రాష్ట్రాల సంస్కృతులు ప్రతిబింబించే శకటాల ప్రదర్శన అందర్నీ ఆకట్టుకుంది. తెలంగాణ బతుకమ్మ, ఆంధ్రప్రదేశ్​లో తితిదే బ్రహ్మోత్సవాల నేపథ్యంలో శకట ప్రదర్శనలు ఇచ్చారు. "సేవ్ ద ఫ్రాగ్​" నినాదంతో పర్యావరణ పరిరక్షణ ప్రాముఖ్యాన్ని గోవా గుర్తుచేయగా.... కశ్మీరీ పండితుల కోసం "బ్యాక్ టు విలేజ్" ఇతివృత్తాన్ని ఎంచుకుంది జమ్ముకశ్మీర్.