దొంగలను పట్టుకునేందుకు పోలీస్​ సాహసం- వీడియో వైరల్​

సెల్​ఫోన్ దొంగలను చెన్నైకు చెందిన ఆండలిన్ రమేశ్​ అనే పోలీస్ అధికారి చాకచక్యంతో పట్టుకున్నారు. ఓ వ్యక్తి దగ్గరనుంచి సెల్​ఫోన్​ లాక్కొని బైక్​ పై వెళ్తున్న దుండగులను ఛేదించి పట్టుకున్నారు రమేశ్. ఈ దృశ్యాలు స్థానిక సీసీటీవీల్లో రికార్డయ్యాయి. ఈ వీడియో సామాజిక మాధ్యమాల్లో వైరల్​ అయింది. దొంగలను సినీఫక్కీలో పట్టుకున్న పోలీస్​ అధికారిపై నెటిజన్లు ప్రశంసల వర్షం కురిపిస్తున్నారు. ఈ ఘటనపై చెన్నై పోలీస్​ కమిషనర్​ మహేశ్​ కుమార్ అగర్వాల్​ స్పందించారు. పోలీస్​ అధికారి ఆండలిన్ రమేశ్​ను అభినందించారు.