ట్రాఫిక్​ కానిస్టేబుల్​ను ఈడ్చుకువెళ్లిన కారు-వీడియో వైరల్​

తనిఖీల్లో భాగంగా రోడ్డుపై వెళ్తున్న వాహనాన్ని ఆపేందుకు యత్నించిన ఓ ట్రాఫిక్ పోలీస్‌ను అదే వాహనంపై ఈడ్చుకువెళ్లిన ఘటన మహారాష్ట్రలో జరిగింది. నాగ్‌పుర్‌ లోని సక్కర్‌దరా ప్రాంతంలో తనిఖీలు నిర్వహిస్తున్న ఓ ట్రాఫిక్ పోలీసు అటుగా వస్తున్న ఓ కారును ఆపేందుకు యత్నించాడు. అయితే వాహనాన్ని ఆపకుండా అలాగే ముందుకు పోనిచ్చిన వాహనదారుడు అడ్డొచ్చిన ట్రాఫిక్ పోలీసును కారు బ్యానెట్‌పై వేసుకుని తోసుకువెళ్లాడు. స్థానికంగా ఏర్పాటు చేసిన సీసీటీవీ కెమెరాలో ఈ దృశ్యాలు నిక్షిప్తమయ్యాయి.