Viral Video: బాలుడ్ని చావబాదిన మాజీ పోలీస్​

గురుగ్రామ్​లో మాజీ పోలీస్..​ ఓ పిల్లాడిని కరెంట్​ స్తంభానికి కట్టేసి విచక్షణారహితంగా కొట్టిన ఘటన సామాజిక మాధ్యమాల్లో వైరల్​గా మారింది. పిల్లలు క్రికెట్ ఆడుకుంటూ ఉండగా వారి స్నేహితుల్లో ఒకరి కంటికి గాయమైంది. దీంతో గొడవ తలెత్తింది. తన కుమారుడ్ని గాయపరిచాడనే కోపంతో విశ్రాంత పోలీస్​, అతడి కుటుంబ సభ్యులు బాలుడ్ని స్తంభానికి కట్టేసి నిర్దాక్షిణ్యంగా చావబాదారు. వదిలేయమని బాలుడి సోదరి ప్రాధేయపడినా పట్టించుకోలేదు. ఈ ఘటన సదర్ పోలీస్ స్టేషన్​ పరిధిలోని సెక్టార్​ 39లో జరిగింది.