సముద్రంలో జవాన్​ను కాపాడిన తీరప్రాంత దళం

గోవా సముద్రంలో మునిగిపోతున్న సైనికుడిని హెలికాప్టర్​ సాయంతో కాపాడింది భారత తీరప్రాంత దళం. పుణెకు చెందిన 26ఏళ్ల జవాన్​ గోవాకు సేద తీరేందుకు వచ్చాడు. ప్రమాదవశాత్తు కొండపై నుంచి జారి సముద్రంలో పడిపోయాడు. అలల ధాటికి కొట్టుకుపోయాడు. బీచ్​లో భద్రతా సేవలు అందించేవారు అతడిని చేరుకోలేక పోయారు. విషయం తెలుసుకున్న తీరప్రాంత దళం హెలికాప్టర్​ సాయంతో సైనికుడిని కాపాడింది.