లైవ్​ వీడియో: రైల్వే ట్రాక్​పై వృద్ధుడిని కాపాడిన పోలీస్

ముంబయి పోలీసులు మరోసారి తమ తెగువను ప్రదర్శించారు. రైల్వే ట్రాక్​పై చిక్కుకున్న 60ఏళ్ల వృద్ధుడిని కాపాడేందుకు ప్రాణాలను పణంగా పెట్టాడు ఓ కానిస్టేబుల్​. ఓ వైపు నుంచి వస్తున్న రైలును గమనించిన అతను​.. ట్రాక్​ దాటుతున్న వ్యక్తిని ప్లాట్​ఫాం పైకి లాగడం వల్ల తృటిలో ప్రమాదం తప్పింది. ఈ ఘటన ముంబయిలోని దాహిసర్ రైల్వే స్టేషన్‌లో జరిగింది. ప్రస్తుతం ఈ వీడియో సామాజిక మాధ్యమాల్లో వైరల్​గా మారింది. ఈ ఘటనలో పోలీస్ కానిస్టేబుల్​ చూపించిన ధైర్యసాహసానికి నెటిజన్ల నుంచి అభినందనల వెల్లువ లభిస్తోంది.