king cobra video: బాత్రూంలో 14 అడుగుల కింగ్​ కోబ్రా

కర్ణాటకలో ఓ ఇంటి స్నానాల గదిలో చిక్కుకుపోయిన 14 అడుగుల కింగ్‌ కోబ్రాను(King Cobra) పాములను పట్టే నిపుణుడు కాపాడాడు. దక్షిణ కన్నడ జిల్లా అలదంగడి గ్రామంలో గోపాలకృష్ణ అనే వ్యక్తికి చెందిన జీకే ఫామ్‌ హౌస్‌లోని బాత్‌రూంలో కింగ్‌ కోబ్రా ఉన్నట్లు కుటుంబ సభ్యులు గుర్తించారు. వెంటనే పాములను పట్టుకునే నిపుణుడు అశోక్‌కు ఫోన్ చేశారు. ఆయన అక్కడికి చేరుకొని చాకచక్యంగా కింగ్‌ కోబ్రాను పట్టుకొని ఓ సంచిలో బంధించాడు. కోబ్రాను బంధించే క్రమంలో దాని తోకను పట్టుకోగా అది ఆయనపై దాడికి యత్నించింది. ఎట్టకేలకు పామును పట్టుకొని సమీపంలో ఉన్న అడవిలో విడిచిపెట్టారు.