రైలు ఎక్కుతూ జారిపడ్డ మహిళ లక్కీగా RPF సిబ్బంది స్పందించి

కదులుతున్న రైలులో ఎక్కేందుకు యత్నించి కిందపడిపోయిన ఘటన కర్ణాటకలోని కళబురగి రైల్వేస్టేషన్‌లో జరిగింది. వెంటనే అప్రమత్తమైన అక్కడి ఆర్పీఎఫ్‌ సిబ్బంది మహిళను రక్షించారు. దీంతో అక్కడున్న అందరూ ఊపిరి పీల్చుకున్నారు. రైలు కదులుతున్న సమయంలో ఆ మహిళ రైలును ఎక్కేందుకు యత్నించింది. కాలు జారి ప్లాట్‌ఫాం, రైలుకు మధ్యగల సందులో పడిపోయింది. అక్కడే ఉన్న ఆర్పీఎఫ్‌ సిబ్బంది వెంటనే స్పందించి రైలును ఆపేందుకు సూచనలు చేశారు. అనంతరం ఆ మహిళను సురక్షితంగా బయటకు తీశారు. దీనికి సంబంధించిన దృశ్యాలు సీసీటీవీలో రికార్డు అయ్యాయి.