కాలువలో ఆరు కొండచిలువలు రోడ్డుపై భారీగా ట్రాఫిక్ జామ్

కేరళలో కొండచిలువలు కలకలం సృష్టించాయి. సోమవారం కోజికోడ్​ నగర శివారులోని కరపరంభ ప్రాంతంలోని కనోలీ కాలువలో ఆరు కొండచిలువలు ప్రత్యక్షమయ్యాయి. వీటిని చూసేందుకు ప్రజలు బారులుతీరారు. దీంతో ట్రాఫిక్​కు అంతరాయం ఏర్పడింది. సమాచారం అందుకున్న అటవీ సిబ్బంది వెంటనే అక్కడకు చేరుకున్నారు. అయితే వాటిలో ఒక్క సర్పాన్ని మాత్రమే పట్టుకుని సురక్షిత ప్రాంతానికి తరలించ గలిగారు. మిగిలిన ఐదు పాములు కనిపించకుండా పోయాయని సిబ్బంది తెలిపారు. ఆహారం కోసమే ఈ ఆరు కొండచిలువలు అడవి బయటకు వచ్చాయని అధికారులు వెల్లడించారు.