కేసీఆర్ కంటే నిజాం నవాబు మేలు: షబ్బీర్ అలీ

కోదాడలో ఆర్టీసీ కార్మికులకు కాంగ్రెస్​ సీనియర్​ నేత షబ్బీర్​ అలీ మద్దతు తెలిపారు. కేసీఆర్​ పాలన కంటే నిజాం పాలన బాగుండేదని విమర్శించారు.

సూర్యాపేట జిల్లా కోదాడలో ఆర్టీసీ కార్మికులు పలు రకాలుగా నిరసనలు వ్యక్తం చేస్తున్నారు. వీరికి కాంగ్రెస్ సీనియర్​ నేత షబ్బీర్ అలీ మద్దతు తెలుపుతూ ప్రభుత్వానికి వ్యతిరేకంగా నినాదాలు చేశారు. కేసీఆర్ కంటే నిజాం నవాబు పాలన వందరెట్లు బాగుండేదని ప్రభుత్వాన్ని విమర్శించారు. తలసాని శ్రీనివాస్ యాదవ్, దయాకర్ తెలంగాణ ద్రోహులని మండిపడ్డారు. ఏ అధికారంతో కార్మికుల ఉద్యోగాలు తీసేసారని ప్రశ్నించారు. కార్మికుల త్యాగాల ఫలితంగా ఏర్పడిన తెలంగాణలో కార్మికుల సమస్యను పరిష్కరించలేక పోతున్నారని ప్రభుత్వాన్ని ఘాటుగా విమర్శించారు.

ఇవీ చూడండి: "జీతాల కోసం కాదు... ఆర్టీసీ పరిరక్షణ కోసం సమ్మె"