Rohit Sharma Autograph : టీమ్ఇండియా కెప్టెన్ రోహిత్ శర్మకు భారీ ఫ్యాన్ ఫాలోయింగ్ ఉంటుంది. హిట్మ్యాన్ బయట ఎక్కడ కనిపించినా అభిమానులు అతడిని చుట్టు ముట్టేస్తారు. సెల్ఫీలు, ఆటోగ్రాఫ్లు తీసుకొని తెగ మురిసిపోతుంటారు. తాజాగా రోహిత్ అభిమానికి ఫ్యాన్ మూమెంట్ ఎదురైంది. తాను 10ఏళ్లుగా ఈ సందర్భం కోసం ఎదురు చూస్తున్నానంటూ సంతోషం వ్యక్తం చేశాడు. మరి అదేంటంటే?
కెప్టెన్ రోహిత్ ప్రస్తుతం ఆస్ట్రేలియాలో ఉన్నాడు. డిసెంబర్ 6న ఆస్ట్రేలియాతో డై/నైట్ టెస్టు ప్రారంభం కానుంది. ఈ క్రమంలో టీమ్ఇండియా- ఆసీస్ ప్రైమ్మినిస్టర్స్ 11తో ఆదివారం ప్రాక్టీస్ మ్యాచ్ ఆడింది. కాన్బెర్రా వేదికగా జరిగిన ఈ మ్యాచ్లో భారత్ 6 వికెట్ల తేడాతో నెగ్గింది. అయితే మ్యాచ్ అనంతరం రోహిత్ డ్రెస్సింగ్ రూమ్కు వెళ్తుండగా ఫ్యాన్స్ కోరిక మేరకు వాళ్లకు ఆటోగ్రాఫ్స్ ఇచ్చాడు.
ఫ్యాన్స్ అందరూ 'రోహిత్ రోహిత్ ' అంటూ కేరింతలు కొడుతుండగా హిట్మ్యాన్ టీ షర్ట్స్, మినీ బ్యాట్స్పై ఆటోగ్రాఫ్ చేశాడు. ఈ సమయంలో ఓ అభిమాని ఈ ఆటోగ్రాఫ్ కోసం పదేళ్లుగా ఎదురుచూస్తున్ననని చెప్పాడు. 'రోహిత్ భాయ్, ముంబయి కా రాజా పదేళ్లు అవుతుంది భయ్యా' అని ఆటోగ్రాఫ్ ఉద్దేశిస్తూ అన్నాడు. దీంతో హిట్మ్యాన్ కూడా ఒక్కసారిగా నవ్వుకున్నాడు. కాగా, ఈ వీడియోను బీసీసీఐ తన సోషల్ మీడియా అకౌంట్లో షేర్ చేసింది. దీంతో 'రోహిత్ మంచి మనసున్న వ్యక్తి' అంటూ ఫ్యాన్స్ కామెంట్స్ చేస్తున్నారు.
కాగా, రోహిత్ ప్రస్తుతం బోర్డర్- గావస్కర్ ట్రోఫీకి సిద్ధం అవుతున్నాడు. ఇటీవల తన భార్య రితిక డెలివరీ ఉండడం వల్ల హిట్మ్యాన్ ఈ సిరీస్లో తొలి టెస్టుకు దూరమయ్యాడు. రీసెంట్గా జట్టుతో కలిసిన రోహిత్ ఆదివారం ప్రైమ్ మినిస్టర్స్ 11 జట్టుతో ప్రాక్టీస్ మ్యాచ్ ఆడాడు. ఈ మ్యాచ్లో వన్ డౌన్లో క్రీజులోకి వచ్చిన కెప్టెన్ 11 బంతుల్లో కేవలం 3 పరుగులే చేసి పెవిలియన్ చేరాడు. ఇక రెండో టెస్టులోనై అతడు రాణించి భారీ స్కోర్ చేయాలని అభిమానులు కోరుకుంటున్నారు. ఇరుజట్ల మధ్య డిసెంబర్ 6న పింక్ బాల్ టెస్టు ప్రారంభం కానుంది.
The wait of a decade finally ends. A fan waited for 10 years to get a @ImRo45 autograph and yesterday was his lucky day😊 #TeamIndia pic.twitter.com/miywxlE8gA
— BCCI (@BCCI) December 2, 2024
పార్లమెంట్లో రోహిత్ అదిరే స్పీచ్- కెప్టెన్ శ్వాగ్ వీడియో చూశారా?
ఆస్ట్రేలియాకు పయనమైన హిట్మ్యాన్ - 'ఆల్ ద బెస్ట్' చెప్పి ఫ్లైటెక్కించిన సతీమణి!
