'జల్​పల్లి మున్సిపాలిటీ అభివృద్ధి ఎంఐఎంతోనే సాధ్యం'

జల్​పల్లి మున్సిపాలిటీ కైవసం చేసుకోవడానికి  ఎంఐఎం పార్టీ ప్రచారం వేగవంతం చేసింది. ఏఐఎంఐఎం పార్టీ జనరల్​ సెక్రటరీ, యాకుత్​పురా ఎమ్మెల్యేలతో ప్రచారం చేయిస్తోంది.

రంగారెడ్డి జిల్లా జల్​పల్లి మున్సిపాలిటీలోని 28 వార్డుల్లో 22 స్థానాలకు ఎంఐఎం పార్టీ అభ్యర్థులను నిలబెట్టింది. పురపాలికను కైవసం చేయడానికి ఎంఐఎం అభ్యర్థులకు మద్దతుగా యాకుత్​పురా ఎమ్మెల్యే అహ్మద్ పాషా ఖాద్రీ ప్రచారం నిర్వహించారు.

ఎర్రగుంట, బార మల్గి చుట్టుపక్క ప్రాంతాల్లో పాదయాత్ర చేస్తూ ప్రజల సమస్యలు తెలుసుకున్నారు. భారీ మెజారిటీతో తమను గెలిపించాలని ఓటర్లను అభ్యర్థించారు. ఎంఐఎం అధినేత సాయంతో, 14 ఫైనాన్స్​ ద్వారా రూ.17 కోట్ల నిధులు తెచ్చి అభివృద్ధి పనులు చేపడతామని హామీ ఇచ్చారు.

• ఇవీ చూడండి: సిరిసిల్లలో నేను చేయాల్సిన పని ఇదే: కేటీఆర్