భట్టి విక్రమార్క పుట్టినరోజు సందర్భంగా నిత్యావసరాలు పంపిణీ

సీఎల్పీ నేత మల్లు భట్టి విక్రమార్క జన్మదినాన్ని పురస్కరించుకుని కాంగ్రెస్​ నేతలు నిత్యావసర సరకులను పంపిణీ చేశారు. రంగారెడ్డి జిల్లా ఆర్కేపురం డివిజన్ సిరినగర్​ కాలనీకి చెందిన రోజువారీ కూలీలకు చేయూత అందించారు.

రంగారెడ్డి జిల్లా​ ఆర్కేపురం డివిజన్​ సిరినగర్​ కాలనీలో రోజువారీ కూలీలకు కాంగ్రెస్​ శ్రేణులు నిత్యావసర సరకులు పంపిణీ చేశారు. మధిర ఎమ్మెల్యే, సీఎల్పీ నేత మల్లు భట్టి విక్రమార్క పుట్టినరోజు సందర్భంగా మహేశ్వరంలోని పార్టీ శ్రేణుల సహకారంతో 75 మంది నిరుపేద కుటుంబాలకు నిత్యావసరాలు అందజేశారు.

కాంగ్రెస్​ నేతలు భౌతిక దూరం పాటిస్తూ మాస్కులు ధరించి నిత్యావసర సరకులు, బియ్యం, గోధుమ పిండి, వంటనూనె, కందిపప్పును పంపిణీ చేశారు. కార్యక్రమంలో పార్టీ సీనియర్ నేత ధనరాజ్​ గౌడ్, తల్లాటి రమేశ్​, తదితరులు పాల్గొన్నారు.

ఇదీ చదవండి: కేసులు పెరుగుతున్నప్పటికీ.. రికవరీ రేటుతో ఊరట