20 రూపాయలకే చీర..పోటీపడ్డ మహిళలు

ఆషాడ మాసం ఆరంభమైంది. వస్త్ర దుకాణాలు ఆఫర్లు కురిపిస్తున్నాయి. పెద్దపల్లి జిల్లా కేంద్రంలో 20 రూపాయలకే చీర అంటూ ఓ బట్టల షాపు అతివలను ఆకర్షిస్తోంది.

ఆషాడమాసాన్ని పురస్కరించుకుని పెద్దపల్లి జిల్లాలో ఓ షాపు 20 రూపాయలకే చీర అని ఆఫర్​ పెట్టింది. ఈ విషయం తెలుసుకున్న మహిళలు పొద్దుపొద్దునే దుకాణం ముందు బారులు తీరారు.

ధర తక్కువ కావటం వల్ల వీలైనన్ని చీరలు కొనుక్కునేందుకు క్యూ కట్టారు. చీరల నాణ్యత బాగానే ఉండటం వల్ల కొనుగోలు చేసేందుకు స్త్రీలు పోటీ పడుతున్నారు. రద్దీ పెరగడం వల్ల స్వల్పంగా తోపులాట జరిగింది.

• ఇదీ చూడండి : 'వరంగల్​ కామాంధుడిని ఉరితీయాలి'