బోడుప్పల్​లో నిరుపేదలకు నిత్యావసరాల పంపిణీ

మేడ్చల్​ మల్కాజిగిరి జిల్లా బోడుప్పల్​లోని 29వ వార్డులో 'సమస్త' ఆధ్వర్యంలో 300 మంది నిరుపేదలకు నిత్యావసర సరుకులను పంపిణీ చేశారు. లాక్​డౌన్​ మొదలు నుంచి... వలస కార్మికులకు, నిరుపేదలకు నిత్యావసరాలు అందజేస్తూ తమ వంతు సాయం చేస్తున్నారు.

కరోనా విపత్కర పరిస్థితుల్లో నిరుపేదలను ఆదుకోవడానికి దాతలు ముందుకు రావాలని ఫెస్టివ్​ ఫోక్స్​ ఆర్ట్స్​ కల్చరల్​ అసోసియేషన్​ (సమస్త) ఛైర్​పర్సన్​ ఉమ ఎడ్లపాటి అన్నారు. మేడ్చల్​ మల్కాజిగిరి జిల్లా బోడుప్పల్​ నగరపాలక సంస్థలోని 29వ వార్డులో సమస్త ఆధ్వర్యంలో సుమారు 300 మంది నిరుపేదలకు వారం రోజులకు సరిపడే నిత్యావసర వస్తువులను పంపిణీ చేశారు.

లాక్​డౌన్​ ప్రారంభం నుంచి ప్రతి రోజు వలస కార్మికులకు తమ వంతు సహాయం చేస్తున్నామని ఉమ తెలిపారు. ప్రజలందరూ ఇళ్లలోనే ఉండాలని ఆమె కోరారు. ఒకవేళ అత్యవసరమై బయటకు వస్తే మాస్కులు ధరించి... భౌతిక దూరం పాటించాలని విజ్ఞప్తి చేశారు.