kodangal, Telangana Election Result 2023 LIVE: కొండగల్‌లో రేవంత్​రెడ్డి ఘనవిజయం - 31,849 ఓట్ల మెజారిటీతో గెలుపు

Kodangal, Telangana Election Result 2023 LIVE : పీసీసీ అధ్యక్షుడు రేవంత్ రెడ్డి కొండగల్‌లో ఘనవిజయం సాధించారు. 31,849 ఓట్ల మెజారిటీతో గెలుపొందారు. రేపు సీఎంగా రేవంత్‌రెడ్డి ప్రమాణస్వీకారం చేసే అవకాశం ఉంది. ప్రమాణ స్వీకారోత్సవానికి బందోబస్తు ఏర్పాట్లు చేయాలని ముగ్గురు కమిషనర్లకు ఇంటెలిజెన్స్ అదనపు డీజీ ఆదేశాలు జారీ చేశారు. రేపు జరగబోయే ప్రమాణా స్వీకారానికి సోనియా, రాహుల్, ప్రియాంక వచ్చే అవకాశం ఉంది.

Kodangal, Telangana Election Result 2023 LIVE : తెలంగాణ ఎన్నికల కౌంటింగ్​లో కాంగ్రెస్(Congress Party) హవా నడిచింది. మెజారిటీ స్థానాల్లో విజయం సాధించి అధికారాన్ని కైవసం చేసుకుంది. పీసీసీ అధ్యక్షుడు రేవంత్​ రెడ్డి కొండగల్ నియోజకవర్గంలో ఘన విజయం సాధించారు. 31,849 ఓట్ల మెజారిటీతో బీఆర్ఎస్ అభ్యర్థి పట్నం నరేందర్​రెడ్డిపై గెలుపొందారు. 2018 అసెంబ్లీ ఎన్నికల్లో కొడంగల్ నుంచి బరిలో నిలిచిన రేవంత్​రెడ్డి ఆ ఎన్నికల్లో పట్నం నరేందర్​రెడ్డి చేతిలో ఓటమి పాలయ్యారు. ఆ తర్వాత 2019లో జరిగిన లోక్​సభ ఎన్నికల్లో మల్కాజ్​గిరి నుంచి పోటీ చేసి విజయం సాధించారు.

మరోవైపు రాష్ట్రవ్యాప్తంగా సంచలనంగా మారిన కామారెడ్డి నియోజకవర్గంలో రేవంత్​రెడ్డి(Revanth reddy) అపజయం పాలయ్యారు. ఇక్కడి నుంచి బీజేపీ అభ్యర్థి కాటిపల్లి వెంకటరమణారెడ్డి విజయం సాధించారు. సీఎం కేసీఆర్​ రెండో స్థానంలో నిలవగా రేవంత్​రెడ్డి మూడోస్థానానికి పరిమితమయ్యారు. గత అసెంబ్లీ ఎన్నికల్లో కొడంగల్​ నియోజకవర్గం నుంచి బరిలో దిగి ఓటమి చవిచూసిన టీపీసీసీ అధ్యక్షుడు రేవంత్​ రెడ్డి ఈసారి మెజార్టీ ఓట్లతో విజయం సాధించారు.

Revanthreddy take Oath as CM Tommorrow : రాష్ట్రంలో అత్యధిక స్థానాల్లో గెలుపొందిన కాంగ్రెస్‌ పార్టీ ప్రభుత్వాన్ని ఏర్పాటు చేసేందుకు సమాయత్తమవుతోంది. రేపు సీఎంగా రేవంత్‌రెడ్డి ప్రమాణస్వీకారం చేసే అవకాశం ఉంది. ప్రమాణ స్వీకారోత్సవానికి బందోబస్తు ఏర్పాట్లు చేయాలని ముగ్గురు కమిషనర్లకు ఇంటెలిజెన్స్ అదనపు డీజీ ఆదేశాలు జారీ చేశారు. రేపు జరగబోయే ప్రమాణా స్వీకారానికి సోనియా, రాహుల్, ప్రియాంక వచ్చే అవకాశం ఉంది.

అసెంబ్లీ ఎన్నికల్లో విజయం సాధించిన నూతన ఎమ్మెల్యేలను హైదరాబాద్‌ రావాల్సిందిగా కాంగ్రెస్‌ రాష్ట్ర నాయకత్వం ఆదేశించింది. ఇప్పుడిప్పుడే కాంగ్రెస్‌ ఎమ్మెల్యేలు హైదరాబాద్‌ చేరుకుంటున్నారు. ఈ రాత్రికి గచ్చిబౌలిలోని ఎల్లా హోటల్‌లో ఎమ్మెల్యేలతో పీసీసీ అధ్యక్షుడు రేవంత్‌ రెడ్డి, రాష్ట్ర వ్యవహారాల ఇన్​ఛార్జి మానిక్​రావ్‌ ఠాక్రేతో పాటు ఏఐసీసీ పరిశీలకులు డీకే శివకుమార్‌, కే.జె.జ్యార్జ్‌, మురళీధరన్‌, అజయ్‌కుమార్‌, దీపాదాస్‌ మున్సీలు సమావేశమవుతారు.

Revanthreddy Pressmeet Today : రాష్ట్రంలో కాంగ్రెస్ పార్టీ విజయంపై గాంధీభవన్​లో రేవంత్​రెడ్డి మీడియా సమవేశం నిర్వహించారు. కాంగ్రెస్ విజయంపై హర్షం వ్యక్తం చేశారు. ఇక నుంచి ప్రగతి భవన్ - అంబేడ్కర్ ప్రజా భవన్​గా మారనుందని రేవంత్​రెడ్డి ప్రకటించారు. ఈ ఎన్నికల్లో కాంగ్రెస్ గెలిచే విధంగా తీర్పును ఇచ్చిన తెలంగాణ ప్రజలకు కృతజ్ఞతలు తెలిపారు. ప్రజాస్వామ్యాన్ని పెంపొందించే చర్యలకు అన్ని పార్టీలు కలిసి రావాలని రేవంత్ రెడ్డి కోరారు.