Chahal Dhanashree Divorce : టీమ్ఇండియా స్పిన్నర్‌ యుజ్వేంద్ర చాహల్- ధనశ్రీ వర్మ డివోర్స్ తీసుకోనున్నారంటూ కొన్ని రోజులుగా ప్రచారం సాగుతోంది. తాజాగా వీరిద్దరికీ విడాకులు మంజూరైనట్లు తెలుస్తోంది. ఇద్దరు పరస్పర అంగీకారంతోనే విడిపోవాలని నిర్ణయించుకున్నట్లు సమాచారం. ఈ మేరకు ముంబయిలోని బాంద్రా ఫ్యామిలీ కోర్టు విడాకులు మంజూరు చేస్తూ, తీర్పు వెలువరించినట్లు కథనాలు వస్తున్నాయి. ఈ నేపథ్యంలోనే తాజాగా చాహల్, ధనశ్రీ వేర్వేరుగా షేర్ చేసిన ఓ పోస్ట్లు విడాకుల కథనాలకు బలం చేకూరుస్తున్నాయి. ఒత్తిడి నుంచి విముక్తి లభించిందంటూ ధనశ్రీ పోస్ట్ చేయగా, తనను దేవుడే కాపాడాడంటూ చాహల్ ఇన్స్టా స్టోరీస్‌లో రాసుకొచ్చాడు.
'మనం పడే బాధలు, ఎదుర్కొనే పరీక్షలను కొంతకాలం తర్వాత ఆ దేవుడు ఆశీర్వాదాలుగా మార్చగలడని తెలిసింది. మీరు ఈ రోజు ఏదైనా విషయంలో ఒత్తిడి, ఆందోళనకు గురైతే మీకు మరో ఛాన్స్ ఉంటుందన్న విషయం తెలుసుకోండి. బాధలన్నీ మర్చిపోయి దేవుడిని ప్రార్థించండి. భగవంతుడిపై మీకున్న విశ్వాసమే మీకు మంచి జరిగేలా చేస్తుంది' అని ధనశ్రీ పోస్ట్ చేసింది. ప్రస్తుతం ఈ పోస్ట్ సోషల్ మీడియాలో తెగ వైరల్ అవుతోంది.
దేవుడే కాపాడుతున్నాడు
అంతకుముందు చాహల్ కూడా ఆసక్తికర పోస్ట్ పెట్టాడు. తనను ఎల్లప్పుడు ఆ భగవంతుడే కాపాడుతున్నాడని పేర్కొన్నాడు. 'ఆ దేవుడు నన్ను లెక్కలేనన్నిసార్లు రక్షించాడు. క్లిష్ట పరిస్థితుల్లో ఉన్నానని నేను గుర్తించేలోపే భగవంతుడు బయటపడేశాడు. ఎల్లప్పుడూ నాకు రక్షణగా ఉన్న ఆ దేవుడికి కృతజ్ఞతలు తెలియజేస్తున్నా' అని చాహల్ పోస్ట్ చేశాడు. దీంతో వీరిద్దరికీ విడాకులు మంజూరైనట్లు వస్తున్న వార్తలు నిజమే అయి ఉంటాయని నెటిజన్లు అభిప్రాయపడుతున్నారు.
2020లో చాహల్ - ధనశ్రీవర్మ వివాహ బంధంలోకి అడుగుపెట్టారు. అయితే సోషల్ మీడియాలో ఎప్పుడూ యాక్టివ్‌గా ఉండే ఈ జంట, తమ పెళ్లి ఫొటోలు డిలీట్ చేయడం అభిమానులను గందరగోళానికి గురిచేశాయి. సోషల్ మీడియాలో వీరిద్దరూ ఒకరినొకరు అన్‌ఫాలో చేసి ఫ్యాన్స్కు హింట్ ఇచ్చారు. అలాగే ధనశ్రీ తన పేరు నుంచి 'చాహల్' పదాన్ని తొలగించడం వల్ల విడాకులపై ఊహాగానాలు మొదలయ్యాయి.
బిగ్బాస్ హౌస్లోకి చాహల్! - డివోర్స్ రూమర్స్ నడుమ ఆ ఇద్దరితో ఎంట్రీ!
చాహల్ డివోర్స్ రూమర్స్! - వైరలవుతోన్న ధనశ్రీ ఇన్స్టా పోస్ట్
