సీజ్​ ది బిల్డింగ్ - ఆస్తిపన్ను కట్టని నిర్మాణాలపై జీహెచ్​ఎంసీ నజర్

బంజారాహిల్స్‌లోని ఓ భవనం సీజ్ - రెండేళ్లుగా ఆస్తిపన్ను కట్టకపోవడంతో సీజ్ చేసిన అధికారులు

Hotel Taj Banjara Seized : ఆస్తి పన్ను వసూళ్లపై జీహెచ్‌ఎంసీ కఠినంగా వ్యవహరిస్తోంది. ఈ క్రమంలో బంజారాహిల్స్​లోని రోడ్‌ నం.1లో ఓ భవనాన్ని సీజ్​ చేశారు. దాదాపు రూ.1.43 కోట్ల బకాయి ఉండటంతో గతంలోనూ చెల్లింపులు చేయాలని నోటీసులు జారీ చేశారు. స్పందన లేకపోవడంతో భవనాన్ని అధికారులు సీజ్​ చేశారు. రెండు రోజుల క్రితం బంజారాహిల్స్​లోని ఎస్​వీఎం గ్రాండ్​ హోటల్​పై కూడా అధికారులు ఆగ్రహం వ్యక్తం చేశారు. కాగా హోటల్ ప్రతినిధులు, అధికారులతో చర్చించి రూ.31.55 లక్షలు చెల్లించారు.

మార్చి 31లోగా మిగతా బకాయిలు చెల్లించకపోతే సీజ్​ చేస్తామని హెచ్చరించారు. కాగా ప్రాపర్టీ ట్యాక్స్​ పరిష్కారం కోసం ఫిబ్రవరి 22తో పాటు మార్చి 01,08,15,22,29 తేదీల్లో ఉదయం 10 నుంచి మధ్యాహ్నం 1 గంటల వరకు డిప్యూటీ కమిషనర్స్​ నిర్వహిస్తున్నట్లు తెలిపారు. కాగా మొండి బకాయిలను వసూలు చేయాల్సిందిగా ఇప్పటికే కమిషనర్ స్పష్టమైన ఆదేశాలు జారీ చేశారు.

వసూల్లపై జీహెచ్‌ఎంసీ కమిషనర్ సీరియస్ : కాగా ఆస్తి పన్ను వసూళ్లపై జీహెచ్‌ఎంసీ కఠినంగా వ్యవహారిస్తోంది. మొండి బకాయిలు చెల్లించని ఆస్తులను బల్దియా అధికారులు సీజ్​ చేస్తున్నారు. జీహెచ్​ఎంసీకి రావాల్సిన మొండి బకాయిలు రూ.9,800 కోట్లు కాగా, ఆస్తి పన్ను చెల్లింపులో ఐదు లక్షల నిర్మాణాలు అలసత్వం వహిస్తున్నాయి. ఈ ఏడాది ఆర్థిక సంవత్సరం ముగిసేలోగా రూ.2,200 కోట్ల పన్ను వసూలు జీహెచ్​ఎంసీ లక్ష్యంగా పెట్టుకుంది.

గ్రేటర్‌లో మొత్తం 23 లక్షల నిర్మాణాల్లో పన్ను చెల్లిస్తున్న వారి సంఖ్య 12 లక్షలు మంది. గతేడాది ఆర్థిక సంవత్సరంలో లక్షా 8 వేల ఆస్తుల సంబంధించి రూ.320 కోట్లను జీహెచ్‌ఎంసీ వసూలు చేసింది. ఆస్తి పన్ను వసూలుపై అధికారులకు బల్దియా కమిషనర్ సీరియస్ వార్నింగ్ ఇచ్చారు. మార్చి 29లోగా మొండి బకాయిలు వసూళ్లు చేయాల్సిందేనని జీహెచ్‌ఎంసీ కమిషనర్‌ ఇలంబర్తి టార్గెట్ విధించారు.