ఏపీ నుంచి హైదరాబాద్కు చికిత్సకోసం వస్తున్న కొవిడ్ బాధితుల అంబులెన్సులను సరిహద్దుల్లో అడ్డుకోవడం సరైంది కాదని మల్కాజిగిరి ఎంపీ రేవంత్ రెడ్డి అన్నారు. ఈ అంశంపై ఇరు రాష్ట్రాల ముఖ్యమంత్రులు.. మానవీయ కోణంలో ఆలోచించి వెంటనే దీనికో పరిష్కారం చూపించాలని డిమాండ్ చేశారు.
ఏపీకి చెందిన కొవిడ్ బాధితుల అంబులెన్సులు అనుమతించకపోవడం వల్ల పలువురి పరిస్థితి విషమిస్తుందని.. కొందరిని సమీప ఆస్పత్రుల్లో చేర్పిస్తున్నారని రేవంత్ పేర్కొన్నారు. ఈ విషయంపై ఇరు రాష్ట్రాల సీఎంలు ఓ నిర్ణయానికొచ్చి కొవిడ్ బాధితుల ప్రాణాలు నిలబెట్టేందుకు చర్యలు తీసుకోవాలని కోరారు.
ఇదీ చూడండి: అంబులెన్సులను ప్రభుత్వం ఏ రకంగానూ అడ్డుకోవద్దు: హైకోర్టు
