విశాఖపట్టణం పెందుర్తికి చెందిన వెంకటేష్కు రెండు నెలల క్రితం సింధు అనే యువతితో వివాహం జరిగింది. ఆయన హైదరాబాద్లోని నిజాంపేటలో ఓ కంపెనీలో సాఫ్ట్వేర్ ఉద్యోగం చేస్తున్నాడు. పెళ్లి సమయంలో యువతి తల్లిదండులు 8 లక్షల రుపాయలతో పాటు రెండు లక్షల విలువైన బంగారం కట్నంగా ఇచ్చి వివాహం చేశారు.
అసలేం... జరిగింది?
ఈ నెల 11న వారిద్దరూ హైదరాబాద్ నుంచి విశాఖపట్నంకు బయలుదేరారు. ఆమె బీబీనగర్-ఘట్కేసర్ మధ్యలో శవమై తేలింది. సమాచారం అందుకున్న సికింద్రాబాద్ రైల్వే పోలీసులు ఘటనా స్థలానికి చేరుకుని విచారణ చేపట్టారు. మృతురాలి బంధువులకు సమాచారం అందించారు.
అదనపు కట్నం కోసం వాళ్లే చంపేశారు
అదనపు కట్నం కోసం కుమార్తెను చంపేశారని మృతురాలి తండ్రి ఆరోపించారు. వైజాగ్ వెళ్లే సమయంలో భర్త వెంకటేష్ రైళ్లో నుంచి నెట్టేసి ఉంటాడని అనుమానం వ్యక్తం చేశారు. భర్త, మామ, బావలు కలిసి తన కుమార్తెను అంతమొందించారని పోలీసులకు తెలిపారు. బంధువుల ఫిర్యాదుతో వారి ముగ్గురిని పోలీసులు అదుపులోకి తీసుకున్నారు.
ఇవీ చూడండి: కాలువలో పడి తల్లిమృతి, కుమారుడు గల్లంతు
