Sri Lanka vs South Africa Test 2024 : శ్రీలంక క్రికెట్ జట్టు చెత్త రికార్డు మూట గట్టుకుంది. సౌతాఫ్రికాతో డర్భన్ వేదికగా జరుగుతున్న తొలి టెస్టులో 42 పరుగులకే కుప్పకూలింది. తొలి ఇన్నింగ్స్లో బ్యాటింగ్కు దిగిన శ్రీలంక 13.5 ఓవర్లలోనే ఆలౌటైంది. సఫారీల బౌలింగ్ దెబ్బకు లంక బ్యాటింగ్ ఆర్డర్ కుదేలైంది. జట్టులో ఏకంగా ఐదుగురు బ్యాటర్లు డకౌట్ అయ్యారు. కామిందు మెండీస్ (13 పరుగులు) టాప్ స్కోరర్. మార్కో జాన్సన్ 7 వికెట్లతో లంక పతనాన్ని శాసించాడు. గెరాల్డ్ కాట్జీ 2, కగిసో రబాడ 1 వికెట్ దక్కించుకున్నారు. కాగా, టెస్టు క్రికెట్ చరిత్రలో శ్రీలంకకు ఇదే అత్యల్ప స్కోర్ కావడం గమనార్హం.
టెస్టుల్లో శ్రీలంక అత్యల్ప స్కోర్లు
- 42 vs సౌతాఫ్రికా- డర్బన్- 2024
- 71 vs పాకిస్థాన్- క్యాండీ- 1994
- 73 vs పాకిస్థాన్- క్యాండీ- 2006
- 81 vs ఇంగ్లాండ్- కొలంబో - 2001
- 82 vs భారత్- చండీగఢ్ - 1990
- 82 vs ఇంగ్లాండ్- కార్డిఫ్- 2011
జాన్సన్ అదరహో
ఇటీవల మెగా వేలంలో మార్కొ జాన్సన్ రూ.7 కోట్లు దక్కించుకున్నాడు. జాన్సన్ను పంజాబ్ కింగ్స్ భారీ ధరకు దక్కించుకుంది. వేలం ఇచ్చిన ఉత్సాహమో ఏమో కానీ, జాన్సన్ ఈ మ్యాచ్లో 120ఏళ్ల రికార్డును అందుకున్నాడు. ఈ మ్యాచ్లో జాన్సన్ 6.5 ఓవర్లలో 13 పరుగులిచ్చి, 7 వికెట్లు నేలకూల్చాడు. అంటే 35 బంతుల్లోనే సఫారీ పేసర్ ఈ ఘనత సాధించాడు. దీంతో టెస్టుల్లో 120 ఏళ్ల రికార్డును జాన్సన్ సమం చేశాడు. 1904లో ఆస్ట్రేలియా బౌలర్ హ్యూజ్ ట్రంబల్ కూడా 35 బంతుల్లోనే 7 వికెట్లు పడగొట్టాడు. టెస్టుల్లో అత్యంత తక్కువ బంతుల్లో ఈ ఫీట్ సాధించిన బౌలర్గా ట్రంబల్ కొనసాగుతున్నాడు. దాదాపు 120ఏళ్ల తర్వాత జాన్సన్ ఈ రికార్డును అందుకున్నాడు. ఇక మ్యాచ్ విషయానికొస్తే, అంతకుముందు తొలి ఇన్నింగ్స్లో సౌతాఫ్రికా 191 పరుగులకు ఆలౌటైంది. దీంతో తొలి ఇన్నింగ్స్లోనే ఆతిథ్య సఫారీ జట్టుకు 149 పరుగుల ఆధిక్యం లభించింది.
Jansen on song!🎵
— Proteas Men (@ProteasMenCSA) November 28, 2024
Marco meant business, and took NO prisoners as he bull-dozed the Sri Lanka batters to get career-best Test Match figures of 7/13😃😎🇿🇦
An absolute dominant display, one for the history books.📖🏏#WozaNawe #BePartOfIt #SAvSL pic.twitter.com/OWrXUKX0lO
